କାଠମାଣ୍ଡୁ/ନୂଆ ଦିଲ୍ଲୀ ୨୪-୪ (ଓଡ଼ିଆ ପୁଅ) ନେପାଳର ପୂର୍ବତନ ରାଜା ଜ୍ଞାନେନ୍ଦ୍ର ଶାହା ଏବଂ ରାଣୀ କୋମଲ ଶାହା କରୋନା ସଂକ୍ରମିତ ହୋଇ ଚିକିତ୍ସା ପାଇଁ ଶନିବାରଦିନ ଡାକ୍ତରଖାନାରେ ଭର୍ତ୍ତି ହୋଇଛନ୍ତି।
ହରିଦ୍ୱାର କୁମ୍ବରେ ଯୋଗଦେବା ପରେ ଭାରତରୁ ଫେରିଥିବା ୭୩ ବର୍ଷୀୟ ପୂର୍ବତନ ରାଜା ଏବଂ ୭୦ ବର୍ଷୀୟ ପୂର୍ବତନ ରାଣୀ ୨୦ ଏପ୍ରିଲରେ କରୋନା ଜୀବାଣୁ ସଂକ୍ରମିତ ହୋଇଥିବା ଜଣାପଡିଥିଲା।
ହସ୍ପିଟାଲର ଅଧିକାରୀ କହିଛନ୍ତି ଯେ ପୂର୍ବତନ ରାଜକୀୟ ଦମ୍ପତି ଏବଂ ସେମାନଙ୍କ ଝିଅ ପ୍ରେରଣା ସିଂ କରୋନା ସଂକ୍ରମିତ ହେବା ପରେ ଚିକିତ୍ସା ପାଇଁ ଏଠାରେ ନର୍ଭିକ ଇଣ୍ଟରନ୍ୟାସନାଲ ହସ୍ପିଟାଲରେ ଭର୍ତ୍ତି କରାଯାଇଛି।
ଡାକ୍ତରଖାନାର ଜନସମ୍ପର୍କ ବିଭାଗର ମୁଖ୍ୟ କହିଛନ୍ତି ଯେ, ସେମାନଙ୍କର (ଦମ୍ପତି ଏବଂ ସେମାନଙ୍କ ଝିଅ) କୌଣସି ସ୍ୱାସ୍ଥ୍ୟଗତ ଜଟିଳତା ନାହିଁ ଏବଂ ସେମାନଙ୍କର ଅବସ୍ଥା ବର୍ତ୍ତମାନ ସ୍ଥିର ରହିଛି।