ପୁଅର ଟାଙ୍ଗିଆ ଚୋଟରେ ବାପାର ମୃତ୍ୟୁ

ସୁନ୍ଦରଗଡ଼ ୨୯ା୩(ଓଡିଆ ପୁଅ/ବିରଞ୍ଚିନାରାୟଣ ପତ୍ରୀ) ସୁନ୍ଦରଗଡ଼ ସଦର ଥାନାର ତସୁପଡ଼ା ଗ୍ରାମରେ ଗତକାଲି ବିଳମ୍ବିତ ରାତିରେ ପୁଅର ଟାଙ୍ଗିଆ ଚୋଟରେ ବାପାର ମୃତ୍ୟୁ ହୋଇଛି।, ସୁନ୍ଦରଗଡ଼ ସଦର ଥାନାର ତସୁପଡ଼ା ଗ୍ରାମରେ ଏହି ଘଟଣା ଘଟିଥିବା ଜଣାଯାଇଛି। ବିଳମ୍ବିତ ରାତିରେ ବାପା ରିମିସ୍ ଏକା ଘରେ ଶୋଇଥିବା ସମୟରେ ପୁଅ ରଜତ ଏକା ଟାଙ୍ଗିଆରେ ଚୋଟ ପକାଇଥିଲା। ଏହାଫଳରେ ଘଟଣାସ୍ଥଳରେ ହିଁ ବାପାର ମୃତ୍ୟୁ ହୋଇଥିଲା।ଘରୋଇ କଳିରୁ ବାପାକୁ ପୁଅ ହତ୍ୟା କରିଥିବା ଅଭିଯୋଗ ହୋଇଛି। ଏସଂପର୍କରେ ସୁନ୍ଦରଗଡ଼ ସଦର ଥାନା ପୁଲିସ୍ ଖବର ପାଇବା ପରେ ଘଟଣାସ୍ଥଳରେ ପହଞ୍ଚିଥିଲା। ପୁଲିସ୍ ଅଭିଯୁକ୍ତ ପୁଅ ରଜତକୁ ଥାନାରେ ଅଟକ ରଖିଛି। ମୃତ ରିମିସ୍ ଏକାର ବୟସ ୬୦ ବୋଲି କୁହାଯାଉଥିବା ବେଳେ ଅଭିଯୁକ୍ତ ରଜତର ବୟସ ୨୭ ବୋଲି ଜଣାଯାଇଛି। ରଜତ ବିବାହିତ ବୋଲି ମଧ୍ୟ ଜଣାଯାଇଛି। ତେବେ କେଉଁ କାରଣରୁ ଏଭଳି ହତ୍ୟାକାଣ୍ଡ ଘଟିଛି ତାହା ସ୍ପଷ୍ଟ ହୋଇନାହିଁ। ସୁନ୍ଦରଗଡ଼ ସଦର ଥାନା ପୁଲିସ୍ ଘଟଣଶର ତଦନ୍ତ କରୁଛି।