ନୂଆଦିଲ୍ଲୀ, ୦୭ ସେପ୍ଟେମ୍ବର (ଓଡ଼ିଆ ପୁଅ) ଆଇସିଆଇସିଆଇ ବ୍ୟାଙ୍କର ପୂର୍ବତନ ସିଏମଡି ଚନ୍ଦା କୋଚରଙ୍କ ସ୍ୱାମୀ ଦୀପକ କୋଚରଙ୍କୁ ଏନଫୋର୍ସମେଣ୍ଟ ନିର୍ଦ୍ଦେଶାଳୟ (ଇଡି) ଗିରଫ କରିଛି। ଆଇସିସିଆଇ ବ୍ୟାଙ୍କର ଋଣ ପ୍ରଦାନକାରୀ କମ୍ପାନୀ ଭିଡିଓକନ୍ ଇଣ୍ଡଷ୍ଟ୍ରିଜ୍ ଦ୍ୱାରା ଦୀପକ କୋଚରଙ୍କ ନିବେଶ ଅନୁସନ୍ଧାନ କରାଯାଉଥିଲା। ଇଡି ଅଧିକାରୀମାନେ ମଧ୍ୟ ଏହି ପ୍ରସଙ୍ଗରେ ଦୀପକ କୋଚରଙ୍କୁ ପଚରାଉଚରା କରୁଥିଲେ। ଏବେ ଖବର ମିଳିଛି ଯେ ଦୀପକଙ୍କୁ ଇଡି ଗିରଫ କରିଛି।
ଭିଡିଓକନ୍ ଇଣ୍ଡଷ୍ଟ୍ରିଜ୍ କୁ ଦିଆଯାଇଥିବା ଋଣର ଅପବ୍ୟବହାର ପାଇଁ ଏନଫୋର୍ସମେଣ୍ଟ ଡାଇରେକ୍ଟୋରେଟ୍ ମଧ୍ୟ ଦୀପକ କୋଚରଙ୍କ ବିରୋଧରେ ମାମଲା ରୁଜୁ କରିଛି। ଜାତୀୟ ଗଣମାଧ୍ୟମ ରିପୋର୍ଟରୁ ଜଣାପଡ଼ିଛିଯେ, ଦୀପକ କୋଚରଙ୍କ ବିରୋଧରେ ଦୃଢ଼ ପ୍ରମାଣ ପାଇବା ପରେ ଅନୁସନ୍ଧାନକାରୀ ସଂସ୍ଥା ତାଙ୍କୁ ପଚରାଉଚରା ପାଇଁ ଡାକିଥିଲେ ଏବଂ ଯେତେବେଳେ ସେ ଅନେକ କାରବାରକୁ ସଠିକ୍ ଭାବରେ ବୁଝାଇ ପାରିନଥିଲେ ସେତେବେଳେ ଅଧିକାରୀମାନେ ତାଙ୍କୁ ଗିରଫ କରିବାକୁ ନିଷ୍ପତ୍ତି ନେଇଥିଲେ।
ଅଭିଯୋଗ ହୋଇଛି ଯେ, ୨୦୧୦ ରେ ଦୀପକ କୋଚରଙ୍କ ଫାର୍ମ ନ୍ୟୁ ପାୱାର ରିନ୍ୟୁଆବଲ ଭିଡିଓକନ ଗ୍ରୁପ ଏବଂ ମ୍ୟାଟିକ୍ସ ସାର ଦ୍ୱାରା ୩୨୫ କୋଟି ଟଙ୍କା ବିନିଯୋଗ କରାଯାଇଥିଲା। ଆଇସିଆଇସିଆଇ ବ୍ୟାଙ୍କରୁ ଋଣ ପାଇବା ପରେ ତୁରନ୍ତ ଏହି ବିନିଯୋଗ କରାଯାଇଥିଲା। ଆଗାମୀ ସମୟରେ ଚନ୍ଦା କୋଚରଙ୍କୁ ଏହା ମଧ୍ୟ କଷ୍ଟସାଧ୍ୟ ହୋଇପାରେ କାରଣ ଅନୁସନ୍ଧାନକାରୀ ସଂସ୍ଥା ଭିଡିଓକନ୍ ଏବଂ ମେଟିକ୍ସ ବ୍ୟତୀତ ଅନ୍ୟ କମ୍ପାନୀମାନଙ୍କୁ ଋଣ ପ୍ରଦାନର ମଧ୍ୟ ଅନୁସନ୍ଧାନ କରୁଛି। ଆଇସିଆଇସିଆଇ ବ୍ୟାଙ୍କର ମୁଖ୍ୟ ଥିବାବେଳେ ଚନ୍ଦା କୋଚର କମ୍ପାନୀମାନଙ୍କୁ ଦେଇଥିବା ସମସ୍ତ ଋଣର ଅନୁସନ୍ଧାନକାରୀ ସଂସ୍ଥା ଅନୁସନ୍ଧାନ କରିପାରିବ। ଏହାପୂର୍ବରୁ ଇଡି ଚନ୍ଦା କୋଚରଙ୍କ ସମ୍ପତ୍ତି ମଧ୍ୟ ସଂଲଗ୍ନ ଆଟାଚ୍ କରିଥିଲା।