ନୂଆଦିଲ୍ଲୀ ୨୩-୪ (ଓଡ଼ିଆ ପୁଅ) କେନ୍ଦ୍ର ସରକାରୀ କର୍ମଚାରୀ ଏବଂ ପେନସନଭୋଗୀଙ୍କ ପାଇଁ ମହଙ୍ଗା ଭତ୍ତା (Dearness Allownce) ବୃଦ୍ଧି ଉପରେ ଏକ ନିଷେଧାଦେଶ ଜାରି କରାଯାଇଛି। ଜାନୁଆରୀ ୧ ରୁ ଡିସେମ୍ବର ୩୧, ୨୦୨୦ ପର୍ଯ୍ୟନ୍ତ DA କୁ ବୃଦ୍ଧି ନକରିବାକୁ ପ୍ରସ୍ତାବ ଦିଆଯାଇଛି। ସରକାରଙ୍କ ଏହି ନିଷ୍ପତ୍ତି ୫୪ ଲକ୍ଷ ସରକାରୀ କର୍ମଚାରୀ ଏବଂ ୬୫ ଲକ୍ଷ ପେନସନଭୋଗୀଙ୍କୁ ପ୍ରଭାବିତ କରିବ। ସୂଚନାଯୋଗ୍ୟଯେ, ଗତ ମାସରେ ସରକାର କେନ୍ଦ୍ରୀୟ କର୍ମଚାରୀଙ୍କ ପାଇଁ ମହଙ୍ଗା ଭତ୍ତା ୪ ପ୍ରତିଶତ ବୃଦ୍ଧି କରିବାକୁ ଘୋଷଣା କରିଥିଲେ। ଡିଏକୁ ୧୭ ପ୍ରତିଶତରୁ ୨୧ ପ୍ରତିଶତକୁ ବୃଦ୍ଧି କରାଯାଇଥିଲା। ୧ ଜାନୁଆରୀ ୨୦୨୦, ୧ ଜୁଲାଇ ୨୦୨୦ ଏବଂ ୧ ଜାନୁୟାରୀ ୨୦୨୧ ରୁ ବୃଦ୍ଧି ପାଉଥିବା ମହଙ୍ଗା ଭତ୍ତା (Dearness Allownce) ବନ୍ଦ କରାଯାଇଛି। ଏହା ସହିତ, ଏହି ବର୍ଦ୍ଧିତ ମହଙ୍ଗା ଭତ୍ତା (Dearness Allownce) ମଧ୍ୟ ବକେୟା ଭାବରେ ଭବିଷ୍ୟତରେ ଦିଆଯିବ ନାହିଁ।
ସରକାରୀ ଆଦେଶ ଅନୁଯାୟୀ, ବର୍ଦ୍ଧିତ ମହଙ୍ଗା ଭତ୍ତା (Dearness Allownce) ବନ୍ଦ କରିବାକୁ ସରକାର ନିର୍ଦ୍ଦେଶ ଦେଇଛନ୍ତି। କେନ୍ଦ୍ର ସରକାରୀ କର୍ମଚାରୀ ଏବଂ ପେନସନଭୋଗୀମାନେ ୧ ଜାନୁୟାରୀ ୨୦୨୦, ୧ ଜୁଲାଇ ୨୦୨୦ ଏବଂ ୧ ଜାନୁୟାରୀ ୨୦୨୧ ରୁ ଆଉ DA ପାଇବେ ନାହିଁ। ଅଟକ ରଖାଯାଇଥିବା ଡିଏକୁ ବକେୟା ପରିଶୋଧ କରାଯିବ ନାହିଁ।
ସରକାର କାହିଁକି ଏହି ନିଷ୍ପତ୍ତି ନେଲେ – କୁହାଯାଉଛି ଯେ କରୋନା ଭୂତାଣୁ ମହାମାରୀ ହେତୁ ସରକାରଙ୍କ ତରଫରୁ ଏହି ନିଷ୍ପତ୍ତି ନିଆଯାଇଛି। ଯେଉଁଥିପାଇଁ ସରକାରୀ ରାଜସ୍ୱ ବହୁତ ପ୍ରଭାବିତ ହୋଇଛି। ସରକାରଙ୍କ ଏହି ନିଷ୍ପତ୍ତି ୫୪ ଲକ୍ଷ ସରକାରୀ କର୍ମଚାରୀ ଏବଂ ୬୫ ଲକ୍ଷ ପେନସନଭୋଗୀଙ୍କୁ ପ୍ରଭାବିତ କରିବ।
ସରକାର ୧୪, ୫୯୫ କୋଟି ଟଙ୍କା ସଞ୍ଚୟ କରିବେ
କେନ୍ଦ୍ରୀୟ କର୍ମଚାରୀ ଏବଂ ପେନସନଭୋଗୀଙ୍କ ପାଇଁ ମହଙ୍ଗା ଭତ୍ତା (Dearness Allownce)ର ୪ ପ୍ରତିଶତ ବୃଦ୍ଧିକୁ ବନ୍ଦ କରିବା ଫଳରେ ସରକାର ପ୍ରତିମାସରେ ହାରାହାରି ୧୦୦୦ କୋଟି ଟଙ୍କା ସଞ୍ଚୟ କରିପାରିବେ। ମହଙ୍ଗା ଭତ୍ତା (Dearness Allownce) ବୃଦ୍ଧି ପାଇଁ ସରକାର ଅତିରିକ୍ତ ୧୪, ୫୯୫ କୋଟି ଟଙ୍କା ଧାର୍ଯ୍ୟ କରିଥିଲେ। କରୋନା ଭୂତାଣୁ ବ୍ୟାପିବାରୁ ରୋକିବା ପାଇଁ ଦେଶରେ ଜାରି ରହିଥିବା ତାଲାବନ୍ଦ ଦେଶର ଅର୍ଥନୀତିରେ ବ୍ୟାପକ କ୍ଷତି ଘଟାଇଛି।