ଭୁବନେଶ୍ୱର ୧୩-୫ (ଓଡ଼ିଆ ପୁଅ) COVID-19 ମହାମାରୀରେ ଦ୍ୱିତୀୟ ଲହରରେ ସଂକ୍ରମଣ ବୃଦ୍ଧିକୁ ଦୃଷ୍ଟିରେ ରଖି ରାଜ୍ୟରେ ଶିଶୁ, କିଶୋର, ଗର୍ଭବତୀ ଏବଂ ସ୍ତନ୍ୟପାନ କରାଉଥିବା ମହିଳାମାନଙ୍କର ସ୍ୱାସ୍ଥ୍ୟାବସ୍ଥାର ଆବଶ୍ୟକତାକୁ ଦୃଷ୍ଟିରେ ରଖି ରାଜ୍ୟସରକାର ଜାରୀକରିଛନ୍ତି ଉପଦେଶାବଳୀ – ଏହି ନିର୍ଦ୍ଦେଶାବଳୀ ଅନୁଯାୟୀ, ପୂର୍ବରୁ ଜାରୀ କରାଯାଇଥିବା କୋଭିଡ୍ ସମ୍ପର୍କୀତ ଗାଇଡଲାଇନ୍ସ ଏବଂ ଉପଦେଶାବଳୀ ସମେତ କେତେକ ଅତିରିକ୍ତ ନିର୍ଦ୍ଦେଶାବଳୀ ଜାରୀ କରାଯାଇଛି। ତେବେ ଏହି ଅତିରିକ୍ତ ନିର୍ଦ୍ଦେଶାବଳୀ ଅନୁୟାୟୀ,
ଯେହେତୁ ଏହା ଦେଖାଯାଇଛି ଯେ, ଅନେକ ପିଲା ଏହି ସଂକ୍ରମଣରେ ପ୍ରଭାବିତ ହେଉଛନ୍ତି ତେଣୁ ମହାମାରୀର ଦ୍ୱିତୀୟ ଲହରୀ ସମୟରେ, ୨ ବର୍ଷରୁ ଅଧିକ ପିଲାମାନଙ୍କୁ ଇଣ୍ଡିଆନ୍ ଏକାଡେମୀ ଅଫ୍ ପେଡିଆଟ୍ରିକ୍ସଙ୍କ ସୁପାରିଶ ଅନୁଯାୟୀ ମାସ୍କ ପିନ୍ଧିବାକୁ ପରାମର୍ଶ ଦିଆଯାଇଛି ଏବଂ ସେମାନଙ୍କ ଘରୁ ବାହାରକୁ ଯିବା ପୂର୍ବରୁ ପିତାମାତାଙ୍କୁ ମଧ୍ୟ ଏହା ନିଶ୍ଚିତ କରିବାକୁ କୁହାଯାଇପାରେ।
– ନୂତନ ଲକ୍ଷଣ ଯେପରିକି ଡାଇରିଆ, ବାନ୍ତି, ପେଟ ଯନ୍ତ୍ରଣା ଇତ୍ୟାଦି ଭିତରେ ଥଣ୍ଡା, କାଶ, ଜ୍ୱର, ଗନ୍ଧ / ସ୍ୱାଦ ନଷ୍ଟ ହେବା ଲକ୍ଷଣ ଦେଖାଗଲେ COVID-19 ସନ୍ଦେହ ଭାବେ ବିବେଚନା କରାଯାଇପାରେ।
– COVID-୧୯ କୌଣସି ଲକ୍ଷଣ ଥିବା ଯେକୌଣସି ବୟସ ବର୍ଗ ସହିତ ଜଡିତ ବ୍ୟକ୍ତିମାନେ WHO ନିର୍ଦ୍ଦେଶାବଳୀ ଅନୁଯାୟୀ ଟେଷ୍ଟ, ଆଇସେଲେସନ ଏବଂ ଚିକିତ୍ସା ପରାମର୍ଶ ପାଇଁ ଯିବାକୁ ପଡିବ।
– ସାବୁନ୍ ରେ ଅତି କମରେ ୪୦ ସେକେଣ୍ଡ୍ ପାଇଁ ହାତ ଧୋଇବା ପାଇଁ ପରାମର୍ଶ ଏହା ପୂର୍ବରୁ ୨୦ ସେକେଣ୍ଡ ଥିଲା। ନାକ ଏବଂ ଆଖିର ଅନାବଶ୍ୟକ ସ୍ପର୍ଶ ସମସ୍ତ ବୟସ ବର୍ଗର ସମସ୍ତ ସ୍ତରରେ ନିରୁତ୍ସାହିତ ହେବା ଜରୁରୀ।
ମହିଳା ଓ ଶିଶୁ ବିକାଶ ସଚିବଙ୍କୁ ଚିଠି ଲେଖି ଅଧିକ ଧ୍ୟାନ ଦେବାକୁ କହିଛନ୍ତି ସ୍ୱାସ୍ଥ୍ୟ ବିଭାଗ ଅତିରିକ୍ତ ମୁଖ୍ୟ ଶାସନ ସଚିବ।