ନୂଆଦିଲ୍ଲୀ ଏପ୍ରିଲ ୨୬ (ଓଡିଆ ପୁଅ) ଭାରତର ପ୍ରଧାନ ବିଚାରପତି ଏନ.ଭି ରମଣାଙ୍କର ସୋସିଆଲ ମିଡିଆ ପ୍ଲାଟଫର୍ମରେ ମିଥ୍ୟା ତଥ୍ୟ ପ୍ରସାରିତ ହେବା ପରେ, ତାଙ୍କ ନାମରେ ଏକ ଫେକ୍ ଟ୍ୱିଟର ଆକାଉଣ୍ଟ ଖୋଲାଯାଇଥିବାର ଅଭିଯୋଗ ଆସିଛି। ଏହାକୁ ନେଇ ପୋଲିସରେ ଅଭିଯୋଗ କରାଯାଇଛି। ଗତ ସପ୍ତାହରେ ଦେଶର ୪୮ ତମ ପ୍ରଧାନ ବିଚାରପତି ଭାବରେ ଶପଥ ଗ୍ରହଣ କରିଥିବା ଜଷ୍ଟିସ୍ ଏନ.ଭି ରମଣାଙ୍କର ସୋସିଆଲ ମିଡିଆ ପ୍ଲାଟଫର୍ମରେ ଟ୍ୱିଟର ଆକାଉଣ୍ଟ କିମ୍ବା କୌଣସି ଆକାଉଣ୍ଟ ନାହିଁ।
ନକଲି ଟ୍ୱିଟର ହ୍ୟାଣ୍ଡେଲ- @ NVRamanna ନାମରେ କାର୍ଯ୍ୟକ୍ଷମ ଥିଲା। ହ୍ୟାଣ୍ଡେଲରେ ୫୮୦୦ ରୁ ଅଧିକ ଅନୁସରଣକାରୀ ଥିଲେ। ଏହା ବର୍ତ୍ତମାନ ଡିଲିଟ୍ ହୋଇଛି। କିନ୍ତୁ ଆରମ୍ଭରୁ ୯୮ ଟି ଟ୍ୱିଟ୍ ପଠାଯାଇଛି। ଯାହାକି ମେ ୨୦୨୦ ଆରମ୍ଭ ହୋଇଥିବା ଦର୍ଶାଯାଇଛି। ଆକାଉଣ୍ଟର ଶେଷ କାର୍ଯ୍ୟକଳାପ ୧୦ ଘଣ୍ଟା ପୂର୍ବରୁ ଦେଖାଯାଇଥିଲା।
ଏହି ଘଟଣା ଜାଣିବା ପରେ ସୋମବାର ଅପରାହ୍ନରେ ସିଜେ ରମଣା ନିଜେ ପୋଲିସ ନିକଟରେ ଅଭିଯୋଗ କରିଥିଲେ। ଏହା ପରେ ଟ୍ୱିଟର କେବଳ ଟ୍ୱିଟକୁ ଡିଲିଟ କରିନାହିଁ ବରଂ ଆକାଉଣ୍ଟକୁ ମଧ୍ୟ ଡିଲିଟ୍ କରିଛି। ପୋଲିସ ଘଟଣାର ତଦନ୍ତ କରୁଛି।
CJI ନାମକ ଏହି ନକଲି ଆକାଉଣ୍ଟରୁ ଏକ ଟୁଇଟ୍ରେ NSA ଅଜିତ ଡୋଭାଲଙ୍କୁ ପ୍ରଶଂସା କରାଯାଇଥିଲା। କୁହାଯାଇଥିଲା ଯେ ଡୋଭାଲଙ୍କ କୂଟନୀତି କାରଣରୁ ଆମେରିକା ରବିବାର ରାତିରେ ଭାରତକୁ କୋଭିଡ ଟିକା ଦେବା ପାଇଁ କଞ୍ଚାମାଲ ଦେବାକୁ ନିଷ୍ପତ୍ତି ନେଇଛି।