ନୂଆ ଦିଲ୍ଲୀ ୪-୩ (ଓଡ଼ିଆ ପୁଅ) କାଉନସିଲ୍ ଫର ଇଣ୍ଡିଆନ୍ ସ୍କୁଲ୍ ସାର୍ଟିଫିକେଟ୍ ଏକ୍ଜାମିନେସନ (CISCE) ଦଶମ, ଦ୍ୱାଦଶଶ୍ରେଣୀ ପରୀକ୍ଷା ତାରିଖରେ ପରିବର୍ତ୍ତନ ଆଣିଛି। ବୋର୍ଡ ୦୪, ମାର୍ଚ୍ଚ ୨୦୨୨ ରେ ଆଜି ଅନଲାଇନରେ ନୂତନ କାର୍ଯ୍ୟସୂଚୀ ପ୍ରକାଶ କରିଛି। ପୂର୍ବରୁ ବୋର୍ଡ ପରୀକ୍ଷା ସମୟ ସାରଣୀ ଗତକାଲି ୦୩ ମାର୍ଚ୍ଚରେ ପ୍ରକାଶ ପାଇଥିଲା। କିଛି ପରିବର୍ତ୍ତନ ପରେ, ଅଫିସିଆଲ୍ ୱେବସାଇଟ୍ cisce.org ରେ ନୂତନ ପରୀକ୍ଷାସୂଚୀ ଉପଲବ୍ଧ। ନୂତନ ପରୀକ୍ଷାସୂଚୀ ଅନୁଯାୟୀ, ସମସ୍ତ ଦଶମ, ଦ୍ୱାଦଶ ପରୀକ୍ଷା ଏପ୍ରିଲ ୨୫, ୨୦୨୨ ରୁ ଆରମ୍ଭ ହେବ।
ପ୍ରକାଶିତ ସମୟ ସାରଣୀରେ ସୂଚନା ଦିଆଯାଇଛି ଯେ ସମସ୍ତ ପରୀକ୍ଷା ଦେଢ଼ ଘଣ୍ଟା ପାଇଁ ଚାଲିବ। ଛାତ୍ରଛାତ୍ରୀମାନେ ପରୀକ୍ଷା ପୂର୍ବରୁ ପ୍ରଶ୍ନପତ୍ର ପଢ଼ିବା ପାଇଁ ୧୦ ମିନିଟ୍ ସମୟ ମଧ୍ୟ ପାଇବେ। ଦଶମ ପରୀକ୍ଷା ସୋମବାର ୨୫ ଏପ୍ରିଲରେ ଇଂରାଜୀ ଭାଷା ରୁ ଆରମ୍ଭ ହୋଇଥିବାବେଳେ ଦ୍ୱାଦଶ ପରୀକ୍ଷା ଇଂରାଜୀ ସାହିତ୍ୟରୁ ଆରମ୍ଭ ହେବ।
