ନୂଆଦିଲ୍ଲୀ ୨୬-୭ (ଓଡ଼ିଆ ପୁଅ) ଅଲିମ୍ପିକ୍ ରେ ଇତିହାସ ସୃଷ୍ଟି କଲେ ଭବାନୀ ଦେବୀ। ପ୍ରଥମ ଭାରତୀୟ ଭାବେ ଫେନ୍ସିଂରେ ଟ୍ୟୁନିସିଆର ନାଡିଆ ବେନ ଅଜିଜିଙ୍କୁ ପରାସ୍ତ କରିଛନ୍ତି ଭବାନୀ। ସୋମବାର ଦିନ ଟୋକିଓ ଅଲିମ୍ପିକରେ ଟ୍ୟୁନିସିଆର ନାଡିଆ ବେନ ଅଜିଜିଙ୍କୁ ୧୫-୩ ଗୋଲରେ ପରାସ୍ତ କରିବା ପରେ ଭାରତୀୟ ଖଣ୍ଡାଧାରୀ ଭବାନୀ ଦେବୀ ଭାରତ ପାଇଁ ଏକ ପଦକ ଆଣିବେ ବୋଲି ଆଶା ବଢ଼ିଯାଇଛି। ସେ ଦ୍ୱିତୀୟ ରାଉଣ୍ଡକୁ ଉନ୍ନୀତ ହୋଇଛନ୍ତି। ଏହା ସହିତ ଅଲିମ୍ପିକ୍ସ ପାଇଁ ଯୋଗ୍ୟତା ଅର୍ଜନ କରିଥିବା ପ୍ରଥମ ଭାରତୀୟ ଖଣ୍ଡାଧାରୀ (ଫେନ୍ସର) ଭବାନୀ ଆରମ୍ଭରୁ ଆକ୍ରମଣାତ୍ମକ ଆଭିମୁଖ୍ୟ ଗ୍ରହଣ କରିଥିଲେ।
ସେ ଅଜିଜିଙ୍କ ଖୋଲା ‘ଆଭିମୁଖ୍ୟ’ର ସୁଯୋଗ ନେଇଥିଲେ। ଏହା ତାଙ୍କୁ ପଏଣ୍ଟ ସ୍କୋର କରିବାରେ ସାହାଯ୍ୟ କଲା। ୨୭ ବର୍ଷ ବୟସ୍କା ଭବାନୀ ତିନି ମିନିଟର ପ୍ରଥମ ପର୍ଯ୍ୟାୟରେ ଗୋଟିଏ ବି ପଏଣ୍ଟ ହରାଇ ନାହାଁନ୍ତି ଏବଂ ଦୃଢ଼ତାର ସହ ୮-୦ ଅଗ୍ରଣୀ ହାସଲ କରିଥିଲେ।
ବହୁ ଉଚ୍ଚ ମାନ୍ୟତାଧାରୀ ଖେଳାଳିଙ୍କୁ ସେ ପରାସ୍ତ କରିଛନ୍ତି। ସୂଚନାଯୋଗ୍ୟଯେ, ଭାରତ ପ୍ରଥମ ଥର ପାଇଁ ଏହି କ୍ରୀଡ଼ାରେ ଭାଗ ନେଉଛି।
ଜଣେ ଛୋଟ ଝିଅ ଯିଏ କି ମେଧାବୀ ଛାତ୍ର ହେବା ସତ୍ତ୍ୱେ ନିଜ ଶ୍ରେଣୀଠାରୁ ଦୂରରେ ରହିବାକୁ ଚାହୁଁଥିଲେ, ବର୍ତ୍ତମାନ ୨୭ ବର୍ଷ, ଏମବିଏ ସ୍ନାତକ ଏବଂ ଅଲିମ୍ପିକ୍ସରେ ପଦକ ଜିତିବା ଲକ୍ଷ୍ୟରେ ଭାରତ ବାହାରେ ତାଲିମ ନେଇଥିଲେ।
ଭାରତର ତାଲୱାର୍ ଗାର୍ଲ ଭାବେ ପରିଚିତ ଭବାନୀ ଦେବୀଙ୍କର ଐତିହାସିକ ରାଣୀ ଝାନସୀଙ୍କ ବିଷୟରେ ପଢ଼ିବା କିମ୍ବା / ଜେମ୍ସ ବଣ୍ଡ ଚଳଚ୍ଚିତ୍ର ଦେଖିବା, ଟିଭି ସିରିଏଲ ମହାଭାରତ ଦେଖିବାରେ ପ୍ରବଳ ଇଚ୍ଛା ଥିଲା ଏହା ପରେ ସେ ଅସ୍ତ୍ର ଉଠାଇବାକୁ ପ୍ରେରଣା ପାଇଲେ।
ଅଲିମ୍ପିକ୍ସ ପାଇଁ ଯୋଗ୍ୟତା ଅର୍ଜନ କରିଥିବା ପ୍ରଥମ ଭାରତୀୟ ଫେନସର। ସେ ଦଶମ ଏବଂ ଦ୍ୱାଦଶରେ ଭଲ ମାର୍କ ହାସଲ କରିଥିଲେ। ଏମବିଏ କରିଛନ୍ତି।
ଏକ ବଡ ପରିବାରରେ ଜନ୍ମ ଭବାନୀଙ୍କର ପିତା ଚେନ୍ନାଇରେ ଜଣେ ମନ୍ଦିର ପୂଜକ। ତାଙ୍କର ଦୁଇ ଭାଇ ଏବଂ ଦୁଇ ଭଉଣୀ ଅଛନ୍ତି।
ମଧ୍ୟବିତ୍ତ ପରିବାରରେ ଜନ୍ମଗ୍ରହଣ କରିଥିବା ଭବାନୀଦେବୀଙ୍କର ପରିବାର ପ୍ରଥମେ ପାଞ୍ଚ ପିଲାଙ୍କୁ ଶିକ୍ଷା ଦେବା ଏବଂ ଭବାନୀଙ୍କ ମହଙ୍ଗା ଖେଳ ସହିତ ଚାଲିବା ଅତ୍ୟନ୍ତ କଷ୍ଟକର ହୋଇପଡିଥିଲା।