ନୂଆଦିଲ୍ଲୀ ୨-୧୦ (ଓଡ଼ିଆ ପୁଅ) : ହାତରସରେ ଘଟିଥିବା ଘଟଣାକୁ ନେଇ ସାରା ଦେଶରେ କ୍ରୋଧ ରହିଛି। ସବୁ ସ୍ଥାନରେ ବିରୋଧ ପ୍ରଦର୍ଶନ ହେଉଛି। ଦିଲ୍ଲୀର ଜନ୍ତର ମନ୍ତରରେ ଶହ ଶହ ଲୋକ ବିରୋଧ କରୁଛନ୍ତି।
ଏହି ପ୍ରଦର୍ଶନରେ ସିପିଏମ୍ ସାଧାରଣ ସମ୍ପାଦକ ସୀତାରମଣ ୟେଚୁରୀ, ସିପିଆଇ ନେତା ଡି ରାଜା, ଭୀମ ସେନା ମୁଖ୍ୟ ଚନ୍ଦ୍ରଶେଖର ଆଜାଦ ଯୋଗ ଦେଇଥିଲେ। ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ମଧ୍ୟ ଜନ୍ତର ମନ୍ତରରେ ନିଜର ବକ୍ତବ୍ୟ ରଖିଛନ୍ତି।
ୟେଚୁରୀ କହିଛନ୍ତି ଯେ ୟୁପି ସରକାରଙ୍କ କ୍ଷମତାରେ ରହିବାର କୌଣସି ଅଧିକାର ନାହିଁ। ଆମର ଦାବି ହେଉଛି ନ୍ୟାୟ ମିଳୁବୋଲି। ଚନ୍ଦ୍ରଶେଖର ଆଜାଦ କହିଛନ୍ତି ଯେ ମୁଁ ହାତରସ ଯିବି। ଯେ ପର୍ଯ୍ୟନ୍ତ ୟୁପି ମୁଖ୍ୟମନ୍ତ୍ରୀ ଇସ୍ତଫା ନ ଦିଅନ୍ତି ଏବଂ ନ୍ୟାୟ ନହୁଏ, ସେପର୍ଯ୍ୟନ୍ତ ଆମର ସଂଗ୍ରାମ ଜାରି ରହିବ। ଏହି ଘଟଣାର ସଂଜ୍ଞାନ ନେବାକୁ ମୁଁ ସୁପ୍ରିମକୋର୍ଟଙ୍କୁ ଅନୁରୋଧ କରୁଛି।
ସେପ୍ଟେମ୍ବର ୧୪ ରେ, ହାତରସ ଜିଲ୍ଲାର ଚାନ୍ଦା ପୋଲିସ ଷ୍ଟେସନ ଅଞ୍ଚଳର ଏକ ଗାଁର ୧୯ ବର୍ଷୀୟ ଦଲିତ ଝିଅକୁ ବଳାତ୍କାର କରାଯାଇଥିବା ଅଭିଯୋଗ ହୋଇଥିଲା। ମେରୁଦଣ୍ଡରେ ଆଘାତ ଏବଂ ଜିଭ କାଟିଦେବା କାରଣରୁ ଝିଅଟିକୁ ପ୍ରଥମେ ଆଲିଗଡର ଜବାହାରଲାଲ ନେହେରୁ ମେଡିକାଲ କଲେଜରେ ଭର୍ତ୍ତି କରାଯାଇଥିଲା।
ଏହା ପରେ ତାଙ୍କୁ ଦିଲ୍ଲୀର ସଫଦରଜଙ୍ଗ ଡାକ୍ତରଖାନାକୁ ନିଆଯାଇଥିଲା ଏବଂ ସେଠାରେ ମଙ୍ଗଳବାର ସକାଳେ ତାଙ୍କର ମୃତ୍ୟୁ ଘଟିଥିଲା। ଏହା ପରେ ପ୍ରଶାସନ ରାତିରେ ନାବାଳିକାକୁ ଜବରଦସ୍ତି ଅନ୍ତିମ ସଂସ୍କାର କରିଦେଇଥିଲା।