କଳାହାଣ୍ଡି, ତା.୨୦.୧୦.୨୦୨୧ ( ଓଡିଆପୁଅ) କଳାହାଣ୍ଡି ଜିଲ୍ଲା ମହାଲିଙ୍ଗ ସନସାଇନ ପବ୍ଲିକ ସ୍କୁଲ ଅଧ୍ୟକ୍ଷା ମମିତା ମେହେର ନିଖୋଜ ଓ ହତ୍ୟା ଘଟଣାରେ ଗୁମର ଖୋଲିବାରେ ଲାଗିଛି । ସମଗ୍ର କଳାହାଣ୍ଡି ଜିଲ୍ଲା ସାରା ଏହି ସମ୍ବେଦନଶୀଳ ଘଟଣା କୁ ନିନ୍ଦା କରାଯାଇଛି । ମୂଖ୍ୟ ଅଭିଯୁକ୍ତ ସନସାଇନ ପବ୍ଲିକ ସ୍କୁଲର ମାଲିକ ନିଜେ ମମିତା ମେହେରଙ୍କୁ ମାରି କଲେଜ ପରିସର ଷ୍ଟିୟମ ରେ ପୋତିଦେଇ ଥିବା ବଲାଙ୍ଗୀର ପୋଲିସ ସମ୍ମୁଖରେ ସ୍ୱୀକାର କରିଥିବା ଜଣାପଡିଛି । ଅଭିଯୁକ୍ତ ଗୋବିନ୍ଦ ସାହୁ ଜୁନାଗଡ ବିଧାୟକ ତଥା ରାଜ୍ୟ ଗୃହ ରାଷ୍ଟ୍ର ମନ୍ତ୍ରୀ ଦିବ୍ୟ ଶଙ୍କର ମିଶ୍ରଙ୍କ ଘନିଷ୍ଠ ସହେଯାଗୀ ଥିଲେ ଏବଂ ସେହି ସାହସରେ ଏଭଲି ନାରକୀୟ କାଣ୍ଡ ଘଟାଇଥିବା ଆଲୋଚନା ହେଉଛି ।
ସେହିପରି ମହାଲିଙ୍ଗ ସ୍ଥିତ କଲେଜ ପରିସର ମଧ୍ୟରେ ଅନୈତିକ କାର୍ଯ୍ୟ ଚାଲିଥିବା ଏପରିକି ଶାରିରୀକ ନିର୍ଯ୍ୟାତନା କାରବାର ଏପରିକି ସେକ୍ସ ରେକେଟ ଚାଲିଥିବା ମଧ୍ୟ ଅଭିଯୋଗ ହେଉଛି ।
ଏହି ଘଟଣାରେ ସମଗ୍ର ଜିଲ୍ଲାରେ ଚାଂଚଲ୍ୟ ଖେଲିଯାଇଥିବା ବେଳେ ବିଜେପି ପକ୍ଷରୁ ୧୨ ଘଂଟିଆ ବନ୍ଦ ପାଳନ କରାଯାଉଛି । ମମିତା ମେହେରଙ୍କ ନ୍ୟାୟ ପ୍ରଦାନ, ଗୃହରାଷ୍ଟ୍ର ମନ୍ତ୍ରୀଙ୍କୁ ବହିଷ୍କାର, ମମିତା ମିଷ୍ଟ୍ରୀ ଘଟଣାର ସିବିଆଇ ତଦନ୍ତ ଆଦି ବିଭିନ୍ନ ଦାବୀ ନେଇ ଜିଲ୍ଲାର ଗୋଲାମୁଣ୍ଡା ମୂଖ୍ୟ ରାସ୍ତାକୁ ସଂପୂର୍ଣ୍ଣ ଅବରୋଧ କରାଯାଇଛି । ସେହିପରି ଜୁନାଗଡ ସହର ମଧ୍ୟରେ ଏବିଭିପି, କଂଗ୍ରେସ ପକ୍ଷରୁ ଗତକାଲି ବିକ୍ଷୋଭ ପ୍ରଦର୍ଶନ କରାଯାଇ ମନ୍ତ୍ରୀଙ୍କ ସଂପୃକ୍ତିଥିବା ନେଇ କୁଶପୁତଲିକା ଦାହ କରାଯିବା ସହିତ ଭାଜପା ପକ୍ଷରୁ ବନ୍ଦ ପାଳନ କରାଯାଇଛି । ଭବାନୀପାଟଣାସ୍ଥିତ ମନ୍ତ୍ରୀଙ୍କ ଘର ଉପରେ ମହିଳାମୋର୍ଚ୍ଚା ପକ୍ଷରୁ ଅଣ୍ଡା ମାଡ କରାଯାଇଥିବା ଜଣାପଡିଛି । ନର୍ଲା ବିଜେପି ପକ୍ଷରୁ ନର୍ଲା ଠାରେ, ଭବାନୀପାଟଣା ବିଜେପି ପକ୍ଷରୁ ଭବାନୀପାଟଣା ଠାରେ ବିକ୍ଷୋଭ ପ୍ରଦର୍ଶନ କରାଯାଇ ମନ୍ତ୍ରୀଙ୍କୁ ବହିଷ୍କାର ଦାବୀ କରାଯାଇଛି ।
ଗୋଲାମୁଣ୍ଡା କେଗାଁ ଥାନା ଅଧିନସ୍ଥ ମହାଲିଙ୍ଗ କଲେଜ ତଥା ସନସାଇନ ପବ୍ଲିକ ସ୍କୁଲର ବିଭିନ୍ନ କାର୍ୟ୍ୟକ୍ରମରେ ମନ୍ତ୍ରୀ ସାମିଲ ହେଉଥିବା ବେଳେ ସେଠାରେ ଅନେକ ପାଣ୍ଠି ବିନିଯୋଗ କରାଯାଇଥିବା ମଧ୍ୟ ଅଭିଯୋଗ ହୋଇଛି । ଏପରିକି ଷ୍ଟାଡିୟମ ନିର୍ମାଣ ରେ ଗୋବିନ୍ଦ ସାହୁ ହିଁ ଦାୟୀତ୍ୱ ନେଇଥିବା ବେଳେ ସେହି ସେହି ପରିସରରେ ମମିତାଙ୍କ ଶରୀରର ଅଂଶ ବିଶେଷ ମିଳିବା ନିଶ୍ଚିତ ଭାବେ ପୂର୍ବ ପରିକଳ୍ପିତ ଏବଂ ସୁଚିନ୍ତିତ ଯୋଜନା ହୋଇଥାଇପାରେ ବୋଲି ବୁଦ୍ଧିଜୀବି ମାନେ ମତପ୍ରକାଶ କରିଛନ୍ତି । ଏହି ଘଟଣାରେ ମନ୍ତ୍ରୀ ସିଧାସଳଖ ସଂପୃକ୍ତଥିବା ବିରୋଧି ଦାବୀ କରୁଥିବା ବେଳେ ବିଜେଡି ପକ୍ଷରୁ ଏହାକୁ ଖଣ୍ଡନ କରାଯାଇଛି । ଅନ୍ୟପକ୍ଷରେ ବିଜେଡି ସରକାରଙ୍କ ଅନେକ ପ୍ରଭାବଶାଳୀ ବ୍ୟକ୍ତି ବିଶେଷ ସେହି କଲେଜକୁ ବିଭିନ୍ନ କାର୍ୟ୍ୟକ୍ରମରେ ଯାଇଥିବା କୁହାଯାଉଛି ।
ମମିତାଙ୍କୁ ସୁଚିନ୍ତିତ ଉପାୟରେ ହତ୍ୟା କରିଥିବା ସ୍ୱୀକାର କରୁଥିଲେ ହେଁ ଗୋବିନ୍ଦ ସାହୁଙ୍କ ବିରୁଦ୍ଧରେ ତଥ୍ୟ ପ୍ରମାଣ ନଷ୍ଟ କରିବାକୁ ଏଭଲି ଜଘନ୍ୟ କାଣ୍ଡ ଭିଆଇଥିବା ପୋଲିସ ସନ୍ଦେହ କରୁଛି ।
