ନୂଆ ଦିଲ୍ଲୀ ୨୭-୩ (ଓଡ଼ିଆ ପୁଅ) ଦିଲ୍ଲୀରେ କରୋନାଭାଇରସ୍ ଯୋଗୁଁ ୬୦ ବର୍ଷିୟ ୟେମେନ ନାଗରିକଙ୍କର ମୃତ୍ୟୁ ହୋଇଛି। ଗୁରୁବାର ଦିନ ଇନଷ୍ଟିଚ୍ୟୁଟ୍ ଅଫ୍ ଲିଭର ଏବଂ ବିଲିୟାରି ସାଇନ୍ସର ଲାବରେ କରୋନା ସଂକ୍ରମଣ ଟେଷ୍ଟ ପଜିଟିଭ୍ ଆସିଥିଲା।
ୟେମେନ ନାଗରିକଙ୍କର କରୋନାଭାଇରସ୍ ପାଇଁ ତିନିଥର ପରୀକ୍ଷା କରାଯାଇଥିଲା ଏବଂ ସମସ୍ତ ଫଳାଫଳ ପଜିଟିଭ୍ ଆସିଥିଲା।
ୟେମେନ ନାଗରିକଙ୍କର ମୃତ୍ୟୁ ପରେ ଶୁକ୍ରବାର ଦିନ ଦିଲ୍ଲୀର କରୋନାଭାଇରସ୍ ମୃତ୍ୟୁ ସଂଖ୍ୟା ଦୁଇକୁ ବୃଦ୍ଧି ପାଇଛି। ଉକ୍ତ ବ୍ୟକ୍ତି ଜଣକ ମାର୍ଚ୍ଚ ୨୪ ରେ ଇନ୍ଦ୍ରପ୍ରସ୍ତ ଆପୋଲୋ ହସ୍ପିଟାଲରେ ଭର୍ତ୍ତି ହୋଇଥିଲେ।
ସେ ଲିଭର ଡୋନେସନ ପାଇଁ ଭାରତ ଯାତ୍ରା କରିଥିଲେ ଏବଂ ଆବଶ୍ୟକ ପରୀକ୍ଷା ପାଇଁ ଡାକ୍ତରଖାନାରେ ଥିଲେ।
ଏହି ବ୍ୟକ୍ତିଙ୍କର ବୟସ ପ୍ରାୟ ୬୦ ବର୍ଷ ଥିଲା ଏବଂ ତାଙ୍କର ଅନେକ ରୋଗ ହୋଇଥିଲା। ସେ ଟେଷ୍ଟ ଦେବା ପାଇଁ ଆସିବା ପରେ ଡାକ୍ତରଖାନାରେ ପଡ଼ିଯାଇଥିଲେ। ସେହି ବ୍ୟକ୍ତି ପଡିଥିବାରୁ କୋଭିଡ -୧୯ ସନ୍ଦେହ କରାଯାଉଥିଲା ଏବଂ ତାଙ୍କ ସାମ୍ପୁଲ ସଂଗ୍ରହ କରାଯାଇଥିଲା। ତାଙ୍କର ସାମ୍ପୁଲ ପ୍ରଥମେ ଆପୋଲୋ ଲାବରେ ପରୀକ୍ଷା କରାଯାଇଥିଲା ଏବଂ ପରେ ନିଶ୍ଚିତ କରିବା ପାଇଁ ILBS କୁ ପଠାଯାଇଥିଲା।
ଏହା ପୂର୍ବରୁ ରାଜଧାନୀରେ କରୋନାଭାଇରସ୍ କାରଣରୁ ଅନ୍ୟ ଏକ ମୃତ୍ୟୁ ହୋଇଥିଲା ପଶ୍ଚିମ ଦିଲ୍ଲୀର ଜଣେ ୬୮ ବର୍ଷ ବୟସ୍କା ମହିଳାଙ୍କ ମୃତ୍ୟୁ ହୋଇଥିଲା।