ଜାମ୍ମୁ କାଶ୍ମୀର ୩୦-୬ (ଓଡ଼ିଆ ପୁଅ) : ଅନନ୍ତନାଗରେ ସୁରକ୍ଷା ବାହିନୀ ଦ୍ୱାରା ଏନକାଉଣ୍ଟରରେ ୨ ଆତଙ୍କବାଦୀ ନିହତ ହୋଇଛନ୍ତି। ସୂଚନାନୁସାରେ, ଏନକାଉଣ୍ଟରରେ ନିହତ ହୋଇଥିବା ଆତଙ୍କବାଦୀମାନେ ତିନି ଦିନ ପୂର୍ବରୁ ଅନନ୍ତନାଗରେ ପୋଲିସ ଉପରକୁ ଗୁଳି ଚଳାଇଥିଲେ। ଏହି ଘଟଣାରେ ଜଣେ CRPF ଯବାନଙ୍କର ମୃତ୍ୟୁ ହୋଇଥିବାବେଳେ ଗୋଟିଏ ଏକ ବର୍ଷର ଶିଶୁର ମୃତ୍ୟୁ ଘଟିଥିଲା।
ବିଜବେହାରା ଅଞ୍ଚଳର ୱାଗାମା ଅଞ୍ଚଳରେ କିଛି ଆତଙ୍କବାଦୀ ଲୁଚି ରହିଥିବା ନେଇ ସୁରକ୍ଷା ବାହିନୀ ସୂଚନା ପାଇଥିଲେ। ଏକ ଆତଙ୍କବାଦୀ କିଛି ଅଘଟଣ ଘଟାଇବାକୁ ଯୋଜନା କରୁଥିଲେ। ସୂଚନା ଆଧାରରେ ସୁରକ୍ଷା ବାହିନୀ ସ୍ଥାନୀୟ ପୋଲିସ ଏବଂ CRPF ଟିମ୍ ସହିତ ମିଳିତ ଦଳ ଗଠନ କରି ୱାଗାମା ଅଞ୍ଚଳକୁ ଘେରି ରହିଥିଲେ।
ଅବରୋଧ ସମୟରେ ଆତଙ୍କବାଦୀଙ୍କୁ ମଧ୍ୟ ଅସ୍ତ୍ର ରଖିବାକୁ କୁହାଯାଇଥିଲା କିନ୍ତୁ ଆତଙ୍କବାଦୀମାନେ ଗୁଳି ଚଳାଇବା ଆରମ୍ଭ କରିଥିଲେ। ଉଭୟ ପାର୍ଶ୍ୱରୁ ଦୀର୍ଘ ସମୟ ଧରି ଗୁଳି ବିନିମୟରେ ଦୁଇ ଆତଙ୍କବାଦୀ ନିହତ ହୋଇଥିବା ଖବର ମିଳିଛି। ସୋମବାର ସମ ମୁକାବିଲାରେ ତିନି ଜଣ ଆତଙ୍କବାଦୀ ନିହତ ହୋଇଥିଲେ।