ଆଫଗାନିସ୍ଥାନ ୨୧-୧୦ (ଓଡ଼ିଆ ପୁଅ) : ପାକିସ୍ଥାନକୁ ଯିବା ପାଇଁ ଭିସା ନେବାକୁ ଆସିଥିବା ଲୋକଙ୍କ ମଧ୍ୟରେ ପ୍ରବଳ ଭିଡ଼ କରାଣରୁ ୧୧ ଜଣଙ୍କର ମୃତ୍ୟୁ ହୋଇଥିବା ଖବର ମିଳିଛି। ଅନ୍ତରାଷ୍ଟ୍ରୀୟ ମିଡ଼ିଆ ରିପୋର୍ଟ ଅନୁଯାୟୀ, ପୂର୍ବ ଆଫଗାନିସ୍ଥାନର ଜାଲାଲାବାଦରେ ହୋଇଥିବା ଷ୍ଟାମ୍ପଡ୍ ରେ ଅତି କମରେ ୧୧ ଜଣଙ୍କର ମୃତ୍ୟୁ ଘଟିଛି। ମୃତକଙ୍କ ମଧ୍ୟରେ ଅନେକ ମହିଳା ଅଛନ୍ତି।
ସୂଚନାଯୋଗ୍ୟଯେ, ପାକିସ୍ଥାନ କନସୁଲେଟରେ ପାସପୋର୍ଟ ପାଇଁ ଆବେଦନ କରିବାକୁ ଜାଲାଲାବାଦର ଏକ ଫୁଟବଲ ଷ୍ଟାଡିୟମରେ ହଜାର ହଜାର ଲୋକ ଉପସ୍ଥିତ ଥିଲେ। କୁହାଯାଉଛି ଯେ, ଲୋକଙ୍କୁ ଟୋକେନ୍ ବଣ୍ଟନ କରାଯାଉଥିଲା ଯାହା ଦ୍ୱାରା ଲୋକମାନଙ୍କ ମଧ୍ୟରେ ଦୌଡ଼ାଦୌଡ଼ି ହୋଇଥିଲା।
କରୋନା ମହାମାରୀ କାରଣରୁ ପାକିସ୍ଥାନ କନସୁଲେଟ୍ ଅନେକ ଦିନ ପାଇଁ ବନ୍ଦ ରହିଥିଲା ଏବଂ ଏହା ପରେ ଏହା ଖୋଲା ଯାଇଥିଲା। ଏହି କାରଣରୁ ସେଠାରେ ଆବେଦନ କରୁଥିବା ଲୋକଙ୍କ ଭିଡ ଜମିଥିଲା। ପ୍ରତିବର୍ଷ ହଜାର ହଜାର ଲୋକ ନିଜ ସମ୍ପର୍କୀୟଙ୍କୁ ଭେଟିବା ଏବଂ ଚିକିତ୍ସା ପାଇଁ ପାକିସ୍ଥାନ ଗସ୍ତ କରନ୍ତି। ପାକିସ୍ତାନ ଏହି ମାସରେ ପ୍ରତିଶୃତି ଦେଇଥିଲା ଯେ ଏହା ଆଫଗାନିସ୍ଥାନ ପାଇଁ ଆବେଦନକୁ ମଞ୍ଜୁର କରିବ ଏବଂ ଏଥିପାଇଁ ଆଫଗାନିସ୍ତାନରେ ଭିସାପାଇଁ ଏକ ଟୋକନ୍ ବ୍ୟବସ୍ଥା ଲାଗୁ କରାଯାଇଥିଲା।
ଭିସା ପାଇଁ ଭିଡ଼ – ୧୧ ମହିଳା ମୃତ, ଅନେକ ଆହତ
