ପାଟଣା ୧୬-୩ (ଓଡ଼ିଆ ପୁଅ/ସନ୍ତୋଷ ପତି) – କେନ୍ଦୁଝର ଜିଲ୍ଲା ପାଟଣା ବନ ବିଭାଗ ତରଫରୁ ରବିବାର ସନ୍ଧ୍ୟାରେ କୁମୁଳା ବାହାଳି ଗ୍ରାମ ନିକଟରେ ଚଢ଼ାଉ କରି ୫୦ ହଜାର ଟଙ୍କାର ଶାଳ ଗଣ୍ଡି ବୋଝେଇ ଏକ ୪୦୭ ଗାଡି କୁ ଜବତ କରିଛି। ଏହି ଗାଡ଼ିରେ ଶାଳ କାଠ ଚୋରା ଚାଲାଣ ହେଉଥିବା ବେଳେ କୌଣସି ସୁତ୍ରରୁ ବନ ବିଭାଗ ଖବର ପାଇ ଚଢ଼ାଉ କରି ଜବତ କରିଛି। ତେବେ ବନ ବିଭାଗ କୁ ଦେଖି ଗାଡିର ଡ୍ରାଇଭର ଓ ମାଫିଆ ମାନେ ଫେରାର ହୋଇ ଯାଇଛନ୍ତି। ଏହି ଚଢ଼ାଉ ରେ ପାଟଣା ବନଖଣ୍ଡ ଅଧିକାରୀ ବନପାଳ ଓ ପାରାଷ୍ଟାଫ ସାମିଲ ଥିଲେ।
