ଭଦ୍ରକ, ୨୪ା୫ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଆଜି ଭଦ୍ରକ ଗ୍ରାମାଞ୍ଚଳ ଥାନା ପକ୍ଷରୁ ପାଟ୍ରୋଲିଂ ଚାଲିଥିବାବେଳେ ୧୬ନଂ ଜାତୀୟ ରାଜପଥର ଚରମ୍ପାସ୍ଥିତ ଧାମରା ବ୍ରିଜ୍ ତଳୁ ଏକ ସୁଜ୍କି ସ୍କୁଟରରେ ଆସୁଥିବା ୩ ଜଣ ଅଭିଯୁକ୍ତଙ୍କ ଠାରୁ ପ୍ରାୟ ବିପୁଳ ପରିମାଣର ବ୍ରାଉନସୁଗାର ସହ ମାରଣାସ୍ତ୍ର ଜବତ ହୋଇଛି । ପ୍ରାପ୍ତ ଖବରରୁ ଯାହା ଜଣାଯାଏ ଗ୍ରାମାଞ୍ଚଳ ଥାନାଧିକାରୀ ଆଲୋକ ଜେନା କୌଣସି ସୂତ୍ରରୁ ଖବର ପାଇ ଧାମରା ବ୍ରିଜ୍ ତଳେ ପାଟ୍ରୋଲିଂ କରୁଥିବାବେଳେ ବାଲେଶ୍ୱର ଦିଗରୁ ଏକ ନମ୍ବର ବିହୀନ ସୁଜ୍କି ସ୍କୁଟରରେ ୩ ଜଣ ଯୁବକ ସନ୍ଦେହ ଜନକ ଅବସ୍ଥାରେ ଆସୁଥିବାବେଳେ ସେମାନେ ତାଙ୍କୁ ଅଟକାଇଥିଲେ । ପରେ ସେମାନଙ୍କ ନିକଟରୁ ପୁଲିସ୍ ୨୮୦ ଗ୍ରାମ ଓଜନର ବ୍ରାଉନସୁଗାର (ଯାହାର ଆନୁମାନିକ ମୂଲ୍ୟ ବଜାରରେ ୨୮ ଲକ୍ଷ ଟଙ୍କା ହେବ) ଓ ଗୋଟିଏ ବନ୍ଧୁକ, ୩ଟି ମୋବାଇଲ୍, ଗୋଟିଏ ଛୁରୀ, ଗୋଟିଏ କତା ଜବତ କରିଥିଲେ । ପରବର୍ତ୍ତୀ ସମୟରେ ପୁଲିସ୍ ଗିରଫ ହୋଇଥିବା ଅପର୍ତ୍ତିବିନ୍ଧା ମିରସାହିର ସେକ୍ ଇମ୍ରାନ, ଅସ୍ତଳର ମହେଶ ରାଉତ ଓ ଧୁଷୁରୀ ନରସିଂହପୁରର ଫକୀରମୋହନ ଜେନାକୁ ଗିରଫ କରି କୋର୍ଟ ଚାଲାଣ କରିଛନ୍ତି । ଏଠାରେ ସୂଚନାଯୋଗ୍ୟ ଏହି ୩ ଜଣଙ୍କ ମଧ୍ୟରୁ ଜଣଙ୍କ ନାମରେ ପୂର୍ବରୁ ବହୁ ଅପରାଧିକ ମାମଲା ରହିଥିବାବେଳେ ତାର ପତ୍ନୀ ମଧ୍ୟ ଏହି ଅପରାଧିକ କାର୍ଯ୍ୟରେ ସାମିଲ ରହିଛି । ଏହି ବିଷୟରେ ପୁଲିସ୍ ପକ୍ଷରୁ ଅଧିକ ତଦନ୍ତ ଚାଲିଛି ।
୨୮ ଲକ୍ଷ ଟଙ୍କାର ୨୮୦ ଗ୍ରାମ ବ୍ରାଉନସୁଗାର ଜବତ, ବିଭିନ୍ନ ମାରଣାସ୍ତ୍ର ସହ ୩ ଗିରଫ
