ନୂଆ ଦିଲ୍ଲୀ ୮-୨ (ଓଡ଼ିଆ ପୁଅ/ଲାଡ ସଚ୍ଚଦିଲ ସ୍ୱାଇଁ) ଭାରତ ବନାମ ଇଂଲଣ୍ଡ ମଧ୍ୟରେ ପ୍ରଥମ ଟେଷ୍ଟରେ ଆର ଅଶ୍ୱିନ ଇତିହାସ ସୃଷ୍ଟି କରିଛନ୍ତି। ଟେଷ୍ଟ କ୍ରିକେଟରେ ଇନିଂସର ପ୍ରଥମ ବଲରେ ୱିକେଟ୍ ନେଇଥିବା ଅଶ୍ୱିନ ପ୍ରଥମ ଭାରତୀୟ ସ୍ପିନର ହେବାର ସୌଭାଗ୍ୟ ଅର୍ଜନ କରିଛନ୍ତି। କେବଳ ଏତିକି ନୁହେଁ କ୍ରିକେଟର ସବୁଠୁ ବଡ ଫର୍ମାଟରେ ୧୦୦ ବର୍ଷ ପରେ ଏହି ଭାରତୀୟ ସ୍ପିନର ଏହି କୀର୍ତ୍ତିମାନ କରିଛନ୍ତି।
ଅଶ୍ୱିନ ପ୍ରଥମ ଭାରତୀୟ ସ୍ପିନର ହୋଇ ଟେଷ୍ଟ କ୍ରିକେଟର ଏକ ଇନିଂସର ପ୍ରଥମ ବଲରେ ୱିକେଟ୍ ନେଇଥିଲେ। ସେ ଇଂଲଣ୍ଡ ପାଇଁ ଚତୁର୍ଥ ଦିନର ଦ୍ୱିତୀୟ ଇନିଂସରେ ଏହା କରିପାରିଛନ୍ତି। ପ୍ରଥମ ଟେଷ୍ଟ ଏଠାରେ ଥିବା ଏମ.ଚିଦାମ୍ବରମ୍ ଷ୍ଟାଡିୟମରେ ଖେଳାଯାଉଛି ଏବଂ ଅଶ୍ୱିନ ଇଂଲଣ୍ଡ ଓପନର୍ ବ୍ୟାଟ୍ସମ୍ୟାନ୍ ରୋରୀ ବର୍ନସଙ୍କ ୱିକେଟ୍ ନେଇ ଏହି ରେକର୍ଡ ସ୍ଥାପନ କରିଛନ୍ତି।
ଭାରତର ପ୍ରଥମ ଇନିଂସ ପରେ ଚତୁର୍ଥ ଦିନ ଦ୍ୱିତୀୟ ଇନିଂଗ୍ସ ରେ ବ୍ୟାଟିଂ ପାଇଁ ଇଲଣ୍ଡ ବ୍ୟାଟ୍ସମ୍ୟାନ୍ ଆସିଥିଲେ। କ୍ୟାପଟେନ ବିରାଟ କୋହଲି ବଲ୍ ଅଶ୍ୱିନ୍ଙ୍କୁ ବୋଲିଂ କରିବାକୁ ଦେଇଥିଲେ ଏବଂ ରନ୍ ବର୍ନସ୍ ସାମନାରେ ଥିଲେ। ଅଶ୍ୱିନ ପ୍ରଥମ ବଲକୁ ବୋଲିଂ କରିଥିଲେ, ଏହା ବର୍ନସଙ୍କ ବ୍ୟାଟର ଧାରରେ ଲାଗି ସ୍ଲିପରେ ଠିଆ ହୋଇଥିବା ଉପ-ଅଧିନାୟକ ଅଜିଙ୍କ୍ୟ ରାହାଣେଙ୍କ ହାତକୁ ଯାଇଥିଲା। ଏହା ସହ ଅଶ୍ୱିନ ପ୍ରଥମ ଭାରତୀୟ ସ୍ପିନର ହୋଇ ଟେଷ୍ଟ କ୍ରିକେଟରେ ଇନିଂସର ପ୍ରଥମ ବଲରେ ୱିକେଟ୍ ନେଇଥିଲେ।
୧୦୦ ବର୍ଷ ପରେ ରେକର୍ଡ଼
ଟେଷ୍ଟ କ୍ରିକେଟ୍ ଇତିହାସରେ ପ୍ରଥମ ଥର ୧୮୮୮ ମସିହାରେ ଯେତେବେଳେ ଟେଷ୍ଟ ଇନିଂସର ପ୍ରଥମ ବଲରୁ ଗୋଟିଏ ୱିକେଟ୍ ଆସିଥିଲା। ଆଶେସ୍ ସିରିଜ୍ ସମୟରେ ମଞ୍ଚେଷ୍ଟରର ଓଲ୍ଡ ଟ୍ରାଫର୍ଡରେ ଚାଲିଥିବା ତୃତୀୟ ଟେଷ୍ଟରେ ଦ୍ୱିତୀୟ ଇନିଂସର ପ୍ରଥମ ବଲରେ ବବି ପିଲଙ୍କ ଦ୍ୱାରା ଆଲେକ୍ ବ୍ୟାନରମ୍ୟାନ୍ ଙ୍କୁ ଆଉଟ୍ କରାଯାଇଥିଲା। ତା’ପରେ ୧୯୦୭ ମସିହାରେ ଦକ୍ଷିଣ ଆଫ୍ରିକାର ବର୍ଟ ଭୋଗଲର ଲଣ୍ଡନର ଦ ଓଭାଲରେ ଇଂଲଣ୍ଡର ଟମ ହେୱାର୍ଡଙ୍କୁ ଆଉଟ କରି ଏହାର ପୁନରାବୃତ୍ତି କରିଥିଲେ। ୧୦୦ ବର୍ଷ ପରେ ଏହି ତାଲିକାରେ ରବିଚନ୍ଦ୍ରନ ଅଶ୍ୱିନଙ୍କ ନାମ ଯୋଡି ହୋଇଛି।