ୟୁଥ ହଷ୍ଟେଲ ମ୍ୟାନେଜର କର୍ମଶାଳା ଅନୁଷ୍ଠିତ

ପୁରୀ ୩୦/୧୦ (ଓଡ଼ିଆ ପୁଅ/ବିଜୟ ପଟ୍ଟନାୟକ) ପୁରୀ ୟୁଥ ହଷ୍ଟେଲ ପରିସରରେ ଆଜି ପୂର୍ବାହ୍ନ ରେ ପୂର୍ବାଞ୍ଚଳ ସ୍ତରୀୟ ୨ ଦିନିଆ ୟୁଥ ହଷ୍ଟେଲ ମ୍ୟାନେଜର କର୍ମଶାଳା ଅନୁଷ୍ଠିତ ହୋଇଥିଲା।ଏହାକୁ ଉଦଘାଟନ କରି ପ୍ରାକ୍ତନ ପ୍ରଶାସନିକ ଅଧିକାରୀ ଶ୍ରୀ ପଦ୍ମନାଭ ପଣ୍ଡା ଯୁବବର୍ଗର ବିକାଶ ଓ ଉନ୍ନତି ପାଇଁ ଯୁବ ବ୍ୟାପାର ବିଭାଗ ଅନେକ ପଦକ୍ଷେପ ନେଉଛନ୍ତି ବୋଲି କହିଥିଲେ। ବିଭିନ୍ନ ଜିଲ୍ଲା ରେ ପ୍ରତିଷ୍ଠିତ ୟୁଥ ହଷ୍ଟେଲ ଗୁଡିକ ସେବା ଯୋଗାଇବା ସହ ଯୁବ ବର୍ଗର ପ୍ରତିଭା ଓ ଦକ୍ଷତାକୁ ପ୍ରତିପାଦିତ କରିବାରେ ସହାୟକ ହେଉଛି ବୋଲି କହିଥିଲେ। ପୂର୍ବତନ କ୍ରୀଡ଼ା ଅଧିକାରୀ ଶ୍ରୀ ରବିନ୍ଦ୍ର ସେନାପତି ଯୁବ ବର୍ଗର ଦାୟିତ୍ୱ, କର୍ତ୍ତବ୍ୟ ଓ ୟୁଥ ହଷ୍ଟେଲ ର ଭୂମିକା ସମ୍ପର୍କରେ ଆଲୋକପାତ କରିଥିଲେ।ଜିଲ୍ଲା ସୂଚନା ଓ ଲୋକ ସମ୍ପର୍କ ଅଧିକାରୀ ଶ୍ରୀ ସନ୍ତୋଷ କୁମାର ସେଠୀ ୟୁଥ ହଷ୍ଟେଲ ର ଆବଶ୍ୟକତା ଓ ମ୍ୟାନେଜର ଙ୍କ ଭୂମିକା ସମ୍ପର୍କରେ ଆଲୋଚନା କରିଥିଲେ। ପୁରୀ ୟୁଥ ହଷ୍ଟେଲ ର ମ୍ୟାନେଜର ତଥା ନେହେରୁ ଯୁବ କେନ୍ଦ୍ର ର ସଂଯୋଜକ ଶ୍ରୀ ଜୟ ଶଙ୍କର ଯୋଶୀ ଙ୍କ ସଂଯୋଜନା ରେ ଅନୁଷ୍ଠିତ ଏହି କର୍ମଶାଳା ରେ ଚେନ୍ନାଇ ୟୁଥ ହଷ୍ଟେଲର ମ୍ୟାନେଜର ଶ୍ରୀ ଜେ ସମ୍ପଥ କୁମାର, ପଣ୍ଡିଚେରୀ ୟୁଥ ହଷ୍ଟେଲର ମ୍ୟାନେଜର ଶ୍ରୀ ଡି.ଦେବାଶି ଗମାନୀ, କୋରାପୁଟ ୟୁଥ ହଷ୍ଟେଲର ମ୍ୟାନେଜର ଶ୍ରୀ ହରିଶ ରୂପାଲ, ଗୋପାଳପୁର ୟୁଥ ହଷ୍ଟେଲର ମ୍ୟାନେଜର ଶ୍ରୀ ବିଦେଶୀ ସ୍ୱାଇଁ ପ୍ରମୁଖ ଯୋଗ ଦେଇଥିଲେ।