ହାଟଡିହି ବ୍ଲକରେ ଦୁଇଦିନରେ ୪୪ଆକ୍ରାନ୍ତ ଚିହ୍ନଟ

ହାଟଡିହି- ୧୦ / ୬ (ଓଡିଆପୁଅ / ବିକାଶ ବିଶ୍ୱାଳ) ହାଟଡିହିରେ କରୋନା ସଂକ୍ରମିତଙ୍କ ସଂଖ୍ୟା ଦିନକୁ ଦିନ ବୃଦ୍ଧିପାଉଛି । ଲୋକମାନଙ୍କୁ ଏନେଇ ଯେତେ ସଚେତନ କରାଯାଉଥିଲେ ବି କିଛି ଫଳପ୍ରଦ ହେଉନି । ଲୋକମାନେ ସରକାରଙ୍କ କଟକଣାକୁ ମାନୁ ନଥିବାରୁ ଏହା ଏବେ ବଢ଼ିବଢ଼ି ଚାଲିଛି । ଗତ ଦୁଇଦିନ ଭିତରେ ୪୪ଜଣ ଆକ୍ରାନ୍ତ ଚିହ୍ନଟ ହେବାପରେ ଏବେ ମୋଟ ଆକ୍ରାନ୍ତଙ୍କ ସଂଖ୍ୟା ୮୯୨ରେ ପହଞ୍ଚିଛି । ୮ତାରିଖରେ ୧୩ଜଣ ଆକ୍ରାନ୍ତ ଚିହ୍ନଟ ହୋଇଥିବାବେଳେ ଗତ ୯ତାରିଖରେ ୩୧ଜଣ ଚିହ୍ନଟ ହୋଇଛନ୍ତି । ଗତ ୮ ଓ ୯ତାରିଖ ଦିନ ଆକ୍ରାନ୍ତ ହୋଇଥିବା ୪୪ଜଣଙ୍କ ମଧ୍ୟରେ ବାଙ୍ଗୋର ପଞ୍ଚାୟତରେ ୯ଜଣ, ବଞ୍ଚୋ ପଞ୍ଚାୟତରେ ୬ଜଣ, ଓରାଳି ପଞ୍ଚାୟତରେ ୪ଜଣ, ଜମ୍ଭୀରା ପଞ୍ଚାୟତରେ ୭ଜଣ, ଢ଼େଙ୍କା ପଞ୍ଚାୟତରେ ୨ଜଣ, ଆଇତିପୁର ପଞ୍ଚାୟତରେଜଣେ, ଶାଳଣିଆଁ ପଞ୍ଚାୟତରେ ୩ଜଣ, ଗେଡମା ପଞ୍ଚାୟତରେ ୨ଜଣ, ସମଣା ପଞ୍ଚାୟତରେଜଣେ, ଧନୁର୍ଜୟପୁର ପଞ୍ଚାୟତରେଜଣେ, ମରୈଗାଁ ପଞ୍ଚାୟତରେ ୨ଜଣ, ଅଁରା ପଞ୍ଚାୟତରେଜଣେ, ଡଅଁର ପଞ୍ଚାୟତରେଜଣେ, ସୁଲଣ ପଞ୍ଚାୟତରେଜଣେ, ଇଞ୍ଚୋଳ ପଞ୍ଚାୟତରେ ଜଣେ, ସୋସୋ ପଞ୍ଚାୟତରେ ଜଣେ, ସଢ଼ା ପଞ୍ଚାୟତରେ ଜଣେ ଆକ୍ରାନ୍ତ ଚିହ୍ନଟ ହୋଇଥିବା ଜଣାଯାଇଛି । ଫଳରେ ମୋଟ ଆକ୍ରାନ୍ତଙ୍କ ସଂଖ୍ୟା ୮୯୨ରେ ପହଞ୍ଚିଛି ବୋଲି ଶାଳଣିଆଁ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ପକ୍ଷରୁ କୁହାଯାଇଛି ।