କେନ୍ଦୁଝର,୨୩/୧୦,(ଓଡ଼ିଆ ପୁଅ ପି ନାୟକ): ସ୍କ୍ରାପ ବୋଝେଇ ଟ୍ରକ ଜବତ କଲା ଯୋଡ଼ା ପୋଲିସ । ଅନ୍ୟ ରାଜ୍ୟକୁ ଚୋରା ସ୍କ୍ରାପ ଚାଲାଣ ହେଉଥିବା ଖବର ପାଇ ପଶ୍ଚିମବଙ୍ଗ ପଞ୍ଜିକୃତ ଗାଡ଼ି ଜବତ କରିବାରେ ସଫଳ ହୋଇଛି ଯୋଡ଼ା ପୋଲିସ । ଗାଡ଼ି ଜବତ କରିବା ସହ ଏଥିରେ ୨ ଜଣଙ୍କୁ ମଧ୍ୟ ଗିରଫ କରିଛି । ତେବେ ଗିରଫ ହୋଇଥିବା ବ୍ୟକ୍ତିମାନେ ଦିଗବିଜୟ ସିଂହ ଓ ଅମରଜିତ୍ କୁମାର ବୋଲି ଜଣାପଡିଛି । ଜବତ ହୋଇଥିବା ସ୍କ୍ରାପର ଆନୁମାନିକ ମୂଲ୍ୟ ପ୍ରାୟ ୨ ଲକ୍ଷ ହେବ ବୋଲି ସୂଚନା ମିଳିଛି । ବିଶେଷ ସୂତ୍ରରୁ ଖବର ପାଇ ଯୋଡ଼ା ପୋଲିସ ଏହି ଗାଡି ଉପରେ ନଜର ରଖି ଶେଷରେ କାବୁ କରିବାରେ ସଫଳ ହୋଇଛି ।