ନୟାଗଡ(ଓଡିଆପୁଅ /ଦେବୀପ୍ରସାଦ ଆଚାର୍ଯ୍ୟ)- ନୟାଗଡ ଜିଲ୍ଲା ଚାନ୍ଦପୁର ଥାନା ୧୬ ନଂ ଜାତୀୟ ରାଜପଥ କଡ ବିଭିନ୍ନ ଜାଗାରେ ଆଡ୍ଡା ଚାଲିଥାଏ । ଏପରି କି କଟକ ରୁ ଗଞାମ ପର୍ଯ୍ୟନ୍ତ ଜୁଆଡି ମାନେ ଏହି ଅଂଚଳରେ ଆସି ଜୁଆ ଖେଳିଥାନ୍ତି । କୋଭିଡ୍ କଟକଣା ଭିତରେ ସପ୍ତାହାନ୍ତ ସର୍ଟଡାଉନ ଚାଲିଥିଲା ବେଳେ ଗତ ଶନିବାର ରାତିରେ ଚାନ୍ଦପୁର ଥାନା ଠାରୁ ୨୦୦ ମି. ଦୂର ରାମଚଣ୍ଡୀ ମନ୍ଦିର ପଛପଟ ରେ ଜୁଆ ଖେଳ ଚାଲିଥିବା ପୋଲିସ୍ ନିକଟରେ ଖବର ପହଂଚି ଥିଲା ।
ଆରକ୍ଷୀ ନିରୀକ୍ଷକ ସଦଳବଳେ ସେଠାରେ ଚଢାଉ କରି ୭ ଜଣ ଜୁଆଡିକୁ ଗିରଫ କରିଥିବା ଜଣାପଡିଛି । ସେମାନଙ୍କ ଠାରୁ ୨୬୭୦ ଟଙ୍କା, ୫ ଗୋଟି ଦାମୀ ମୋବାଇଲ୍ ଜବତ କରିଥିବା ଜଣାପଡିଛି । ଏଥିସହ ସପ୍ତାହାନ୍ତ ରାତ୍ରୀକାଳୀନ ଚଢାଉ କରି ୧୪ ହଜାର ଟଙ୍କା ରାଜସ୍ୱ ଆଦାୟ କରାଯାଇଛି । ଅଭିଯୁକ୍ତ ମାନଙ୍କୁ ଥାନାରୁ ଜାମିନ୍ ରେ ଛଡାଯିବ ବୋଲି ଆରକ୍ଷୀ ନିରୀକ୍ଷକ ସୂଚନା ଦେଇଛନ୍ତି ।