ସଙ୍ଗମରେ ଜଣେ ଯୁବକଙ୍କ ଅକାଳ ବିୟୋଗ

ହାଟଡ଼ିହି, ୭ । ୫ (ଓଡିଆପୁଅ / ବିକାଶ ବିଶ୍ୱାଳ) ହାଟଡିହି ବ୍ଲକ ସଙ୍ଗମ ଗ୍ରାମରେ ଅଭିରାମ ପହି (୪୦) ନାମକ ଜଣେ ବ୍ୟକ୍ତିଙ୍କ ଅକାଳ ବିୟୋଗ ଘଟିଛି । ସେ ଯୋଡା ବଡବିଲ ଅଞ୍ଚଳରେ ରହି ବ୍ୟବସାୟ କରୁଥିବାବେଳେ ଅସୁସ୍ଥ ହୋଇପଡିବାରୁ ଗତ ୪ଦିନ ତଳେ ଘରକୁ ପଳାଇ ଆସିଥିଲେ । ଗତ ଦୁଇଦିନ ତଳେ ସେ ହଠାତ ଅଧିକ ଅସୁସ୍ଥ ହୋଇପଡିବାରୁ ତାଙ୍କୁ ଆଗରପଡା ଡାକ୍ତରଖାନା ଚିକିତ୍ସା ପାଇଁ ନିଆଯାଇ ଘରକୁ ଫେରାଇ ଆଣିଥିଲେ । କିନ୍ତୁ ଗତକାଲି ରାତିରେ ପୁନର୍ବାର ତାଙ୍କ ଅବସ୍ଥା ଗୁରୁତର ହେବାରୁ ତାଙ୍କୁ ଭଦ୍ରକ ଡାକ୍ତରଖାନା ନିଆଯାଇଥିବାବେଳେ ସେଠାରେ ତାଙ୍କର ମୃତ୍ୟୁ ଘଟିଥିଲା । ତାଙ୍କ ମୃତ୍ୟୁରେ ଗ୍ରାମରେ ଶୋକର ଛାୟା ଖେଳିଯାଇଛି ।