ଭୁବନେଶ୍ଵର,୦୩/୦୮,(ଓଡ଼ିଆ ପୁଅ /ପଙ୍କଜିନୀ ନାୟକ): ଆଜି ଶେଷ ହୋଇଛି ଷୋଡଶ ବିଧାନସଭାର ପ୍ରଥମ ଅଧିବେଶନ । ଏଥି ସହ ଅନିର୍ଦ୍ଦିଷ୍ଟ କାଳ ପର୍ଯ୍ୟନ୍ତ ଗୃହକୁ ମୁଲତବୀ ଘୋଷଣା କରିଛନ୍ତି ବାଚସ୍ପତି ସୂର୍ଯ୍ୟ ନାରାୟଣ ପାତ୍ର ।
ଅଗଷ୍ଟ ୮ ଯାଏଁ ଗୃହ ଚାଲିବାର ଥିଲା, କିନ୍ତୁ ସର୍ବସମ୍ମତି କ୍ରମେ ବିଧାନସଭାକୁ ଆଗୁଆ ବନ୍ଦ କରିବା ପାଇଁ ନିଷ୍ପତ୍ତି ନିଆଯାଇଛି । ତେବେ ଚଳିତ ମୌସୁମୀ ଅଧିବେଶନରେ ୫ଟି ବିଲ୍ ପାସ୍ ହୋଇଛି । ସେଥିମଧ୍ୟରେ ଓଡିଶା ଲୋକାୟୁକ୍ତ ସଂଶୋଧନ ବିଲ୍-୨୦୧୯ ଓ ଓଡିଶା ରାଜ୍ୟ ମୁକ୍ତ ବିଶ୍ୱ ବିଦ୍ୟାଳୟ ସଂଶୋଧନ ବିଲ୍ ରହିଛି ।