ଷଣ୍ଢ ଚୋରା ଚାଲାଣ କରି ୪ ଗିରଫ

ଭଦ୍ରକ, ୬ା୧ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଏହି ଜିଲାର ଧାମନଗର ପୋଲିସ ପେଟ୍ରୋଲିଂ ବେଳେ ୪ ଜଣ ଷଣ୍ଢ ଚୋର ଙ୍କୁ ଧାମନଗର ପୋଲିସ କାବୁ କରିଛି। ବେଆଇନ ଭାବେ ଷଣ୍ଢ ଚାଲାଣ ହେଉଥିବା ବେଳେ ପୁଲିସ ୨ ଷଣ୍ଢକୁ ଉଦ୍ଧାର କରିବା ସହିତ ଷଣ୍ଢ ବୋଝେଇ ପିକଅପ ଏବଂ ୪ ଅଭିଯୁକ୍ତକୁ ଗିରଫ କରିଛି। ରବିବାର ଯାଜପୁର ଜିଲାର କମାଳପୂର ଅଂଚଳ ରୁ ପିକପ ଗାଡି (ଓଡି ୦୫ ବିଡି ୬୭୪୯) ରେ ଦୁଇଟି ଷଣ୍ଢ ନେଇ ଧାମନଗର ଆଡକୁ ଆସୁଥିଲେ। ସଡକ ସୁରକ୍ଷା ପାଇଁ ଧାମନଗର ପୁଲିସ ଷେଣ୍ଢପୁର ପୋଲ ନିକଟରେ ଯାଂଚ କରୁଥିବା ବେଳେ ଉକ୍ତ ଗାଡିକୁ ପୁଲିସ ଅଟକାଇ ଥିଲା। ଗାଡ଼ି ଉପରେ ପାଲ ଟାଣି ଷଣ୍ଢ ଚାଲାଣ ହେଉଥିବାରୁ ପୁଲିସ ଏଥିରେ ସମ୍ପୃକ୍ତି ଯାଜପୁର ଜିଲା ମଙ୍ଗଳପୁର ଥାନା କମାଳପୁର ଅଂଚଳର ଅଜୟ ସାମଲ, ରୂପକ ଦାସ, ଦଶରଥ ଦାସ ସହିତ ଡ୍ରାଇଭର ତପନ ଦାସ କୁ ଗିରଫ କରି ଆଜି କୋର୍ଟ ଚାଲାଣ କରିଛି। ଏନେଇ ଥାନାରେ କେଶ ନମ୍ବର ୧୮/୨୫ ରେ ଏକ ମାମଲା ରୁଜୁ ହୋଇଛି।