ଷଣ୍ଢ ଖାଇଗଲା ୪୦ ଗ୍ରାମ ସୁନା: ଏବେ ଗୋବରକୁ ଅପେକ୍ଷା !

ନୂଆଦିଲ୍ଲୀ: ଗୋଟେ ଷଣ୍ଢ ୪୦ ଗ୍ରାମ ସୁନା ଖାଇ ଦେଇଛି।ଘଟଣାଟି ଘଟିଛି ହରିୟାଣାର ସିରସା ଅଞ୍ଚଳରେ।ଏକ ପରିବାରର ମହିଳା ସଦସ୍ୟମାନେ ଏକ ବିବାହ ଉତ୍ସବରୁ ଘରକୁ ଫେରିବା ପରେ ପିନ୍ଧିଥିବା ସୁନା ଅଳଙ୍କାର ଗୁଡ଼ିକ ଏକ ଡବାରେ ରଖିଥିଲେ।ତେବେ ପରିବାରର ଜଣେ ସଦସ୍ୟ ଅନ୍ୟମନସ୍କରେ ଡବାଟିକୁ ବାହାରକୁ ଫିଙ୍ଗି ଦେଇଥିଲେ।ଏହାପରେ ବାହାରେ ବୁଲୁଥିବା ଏକ ଷଣ୍ଢ ଅଳିଆ ଗଦାରେ ପଡ଼ିଥିବା ପ୍ରାୟ ୪୦ ଗ୍ରାମର ସୁନା ଅଳଙ୍କାର ଗୁଡ଼ିକୁ ଖାଇ ଦେଇଥିଲା।ବହୁ ଖୋଜାଖୋଜି କରି ନ’ପାଇବା ପରେ ସିସି ଟିଭି ଫୁଟେଜରୁ ଷଣ୍ଢ ସୁନା ଅଳଙ୍କାର ଗୁଡ଼ିକ ଖାଇଦେଇଥିବା ଜଣା ପଡ଼ିଥିଲା।ସଂପୃକ୍ତ ପରିବାର ଏବେ ଷଣ୍ଢଟିକୁ ବାନ୍ଧି ରଖିବା ସହ ତିନିଦିନ ହେଲା ଭଲ କରି ଖାଇବା ପିଇବାକୁ ଦେଉଛନ୍ତି।ଏବଂ ଚାହିଁ ବସିଛନ୍ତି କେତେବେଳେ ଗୋବର ସହିତ ସୁନା ଗୁଡ଼ିକ ବାହାରି ପଡ଼ିବ!//ଦେବଦତ୍ତ ରଥ