ଶ୍ରୀମନ୍ଦିରରେ ମହାପ୍ରଭୁଙ୍କ ଦର୍ଶନ କଲେ କପିଲ ଶର୍ମା

ପୁରୀ ୨୧-୩ (ଓଡ଼ିଆ ପୁଅ) ହାସ୍ୟ ଅଭିନେତା କପିଲ ଶର୍ମା ଆଜି ପୁରୀ ଆସି ଶ୍ରୀମନ୍ଦିରରେ ମହାପ୍ରଭୁଙ୍କ ଦର୍ଶନ ଲାଭ କରିଛନ୍ତି। ତେବେ ସେ ପ୍ରଥମ ଥର ପାଇଁ ଆସି ମହାପ୍ରଭୁଙ୍କ ଦର୍ଶନ ପାଇ ଥିବାରୁ ସେ ବେଶ ଖୁସି ଥିବା କହିଛନ୍ତି। କପିଲ ଶର୍ମା ଶ୍ରୀମନ୍ଦିର ସିଂହ ଦ୍ୱାର ନିକଟରେ ପହଂଚିବା ପରେ ସେବାୟତ ମାନେ ତାଙ୍କୁ ସ୍ବାଗତ କରିଥିଲେ। କପିଲ ମହାପ୍ରଭୁଙ୍କ ଦର୍ଶନ ପରେ ଶ୍ରୀମନ୍ଦିର ବେଢ଼ା ଭିତରେ ବୁଲିବା ସହ ବିଭିନ୍ନ ପାର୍ଶ୍ୱ ଦେବାଦେବୀ ମନ୍ଦିର ଯାଇ ଦର୍ଶନ ସହ ପୂଜା କରିଥିଲେ। ସେ ଶ୍ରୀଜୀଉଙ୍କ ଦର୍ଶନ କରି ବେଶ ପ୍ରସନ୍ନ ଅନୁଭବ କରିଥିଲେ ବୋଲି କହିଛନ୍ତି। ଅନ୍ୟପଟେ ଶ୍ରୀ ମନ୍ଦିରରେ କପିଲ ଶର୍ମାଙ୍କୁ ଦେଖିବା ପାଇଁ ତାଙ୍କ ପ୍ରଶଂସକ ବେଶ ଭିଡ଼ ହୋଇ ଥିଲା।