ମାଲକାନଗିରି,୧୭ା୬(ଓଡିଆ ପୁଅ )ମାଲକାନଗିରି ଜିଲ୍ଲା ସଦର ମହକୁମାଠାରେ ଇତି ମଧ୍ୟରେ ରଥନିର୍ମାଣ କାମ ସରି ଯାଇଛି । କରୋନା ପାଇଁ ଘୋଷ ଯାତ୍ରା ହେବକି ନହିଁ ଅନିଶ୍ଚତତା ମଧ୍ୟରେ ରହିଛି ।ଦେବସ୍ନାନ ପୁଣ୍ଣ ର୍ମା ଶେଷ ହେବାପରେ ଚତୁର୍ଦ୍ଦାମୂର୍ତି ଙ୍କୁ ଜ୍ୱର ହେବାରୁ ସେମାନଙ୍କୁ ଅଣସର ଘରେ ରଖା ଯାଇ ବୈଦମାନେ ଚିକିତ୍ସା ଆରମ୍ଭ କରିଦେଇଛନ୍ତି । ଶ୍ରୀଜୀୟୁ ରତ୍ନାସିଂହାସନ ଛାଡି ଅଣସର ଘରେ ଦୀର୍ଘ୧୫ଦିନ ଧରି ରହିବାରୁ ସେମାନଙ୍କ ଘୋଷ ଯାତ୍ରା ପାଇଁ ମହାରଣା ମାନେ ପୁରଣା ରଥକୁ ମରାମତ କରିବା ଆରମ୍ଭ କରିଦେଇଛନ୍ତି । ଘୋଷ ଯାତ୍ରା ଆଉଅଳ୍ପଦିନ ଥିବାରୁ ମାଲକାନଗିରି ଜିଲ୍ଲା ସଦର ମହକୁମା ଜଗନ୍ନାଥଙ୍କ ମନ୍ଦିରର ରଥ ନିର୍ମାଣ କାମ ଶେଷ ପର୍ଯ୍ୟାୟ ରେ ପହଁଚିଯାଇଛି । ଚଳିତ ବର୍ଷ ରଥରେ ଅଖ,ଉପର ବିମ ବଦଳାଯାଇ ନୁଆ ଲଗାହୋଇଛି । ଏହାବ୍ୟତିତ ରଥର ଟାହିଆ,ବାଢା, ନାଇକାଖମ୍ବ,ଉପର ଛପର କାମ ସହ ଅନ୍ୟାନ କାମ ସରିଯାଇଛି । ମାଲକାନଗିରି ତହସିଲଦାର ଗୁଣିଧି ନାୟକ ଙ୍କ ନିର୍ଦ୍ଦେଶ କ୍ରମେ ଏହି ରଥନାର୍ମାଣ କାମରେ ମୁଖ୍ୟ ବିନ୍ଧାଣି ଲକ୍ଷମ୍ଣ ମହାରଣା, ଖଲିମହାରଣା,ରତ୍ନାକର ମହାରଣା,ବାବୁଲି ମହାରଣା,ଦିନବନ୍ଧୁ ପାଟି,ତ୍ରୀନାଥ ରାଜୁ ,ଗୋପାଳମହାରଣା,ବଗଲି ଭୁମିୟା ଙ୍କ ସହିତ ଅନ୍ୟାନ ବଢେଇ ମାନେ ରଥନର୍ମାଣ କାମରେ ଲାଗିପଡିଥିଲେ । ଚଳିତ ବର୍ଷ ସମଗ୍ର ବିଶ୍ୱରେ ମହାମାରି କରୋନା ବ୍ୟାପିଥିବାରୁ ଲକଡାଉନ ପରିସ୍ଥିତି ପାଇଁ ଘୋଷ ଯାତ୍ରା ରେ ରଥ ଟଣା ହେବକି ନାହିଁ ତାହା ଅନିଶ୍ଚତତା ମଧ୍ୟରେ ରହିଛି ।