ଲୋକଙ୍କୁ ଗୋଡାଇ କାମୁଡୁଛି ମାଙ୍କଡ, ଭୟରେ ଗାଁ ଲୋକ

ଭଦ୍ରକ, ୭ା୫ (ଓଡ଼ିଆ ପୁଅ / ସ୍ନିଗ୍ଧା ରାୟ) – ମାଙ୍କଡ କାମୁଡିବାରୁ ଅନେକ ଆହତ ହେଲେଣି । ଘର ବାହାରକୁ ବାହାରିବା ସମୟରେ ମାଙ୍କଡ ଗୋଡାଇ ଗୋଡାଇ କାମୁଡୁଛି । ଭଦ୍ରକ ଜିଲା ଚରମ୍ପା ବରାଳପୋଖରୀ ଅଂଚଳରେ ଗୋଟିଏ ମାଙ୍କଡ ଏମିତି ଉପଦ୍ରବ କରୁଛି । ୧୨ ରୁ ଅଧିକ ଲୋକେ ଆହତ ହୋଇଛନ୍ତି । ମାଙ୍କଡ ଦେଖିଲା ବେଳକୁ ଲୋକଙ୍କ ମନରେ ଆତଙ୍କ । ଘରେ ଘରେ ଜଣେ ଦୁଇ ଜଣ ଖଣ୍ଡିଆ ଖାବରା ହେଲେଣି । କାହାର ହାତ ଗୋଡ ପିଠି ଜଂଘକୁ କାମୁଡି ଖଣ୍ଡିଆ ଖାବରା କରି ଦେଲେଣି ମାଙ୍କଡ । ଗୋଡାଇ ଗୋଡାଇ କାମୁଡୁଛି ମାଙ୍କଡ, ଅନେକ ଆହତ ହେଲେଣି । ଏବେ ଏହି ଅଞ୍ଚଳରେ କୋକୁଆ ଭୟ । ଦୀର୍ଘ ୬ ଦିନ ହେବ ମାଙ୍କଡ ଆତଙ୍କରେ ଲୋକମାନେ ଅତିଷ୍ଠ ହେଲେଣି । ଦୁଇଦିନ ହେବ ଗାଁରେ ବନ ବିଭାଗର କର୍ମଚାରୀ ମାଙ୍କଡ ଧରିବାକୁ ଲାଗିପଡିଛନ୍ତି । ବନ ବିଭାଗ କର୍ମଚାରୀ ମାଙ୍କଡକୁ କାବୁ କରିବାକୁ ଚେଷ୍ଟା କରୁଛନ୍ତି । ହେଲେ ମାଙ୍କଡ ସନ୍ଧ୍ୟା ପରେ ଉଭାନ ହୋଇଗଲା । ବନ ବିଭାଗ ତରଫରୁ ମାଙ୍କଡକୁ କାବୁ ପାଇଁ ଚେଷ୍ଟା ଚାଲିଛି । ଗାଁ ଲୋକମାନେ ଏବେ ବନ ବିଭାଗର କର୍ମଚାରୀଙ୍କ ଭରସାରେ ଥିବାବେଳେ ବନ ବିଭାଗର କର୍ମଚାରୀ ଏବେ ମାଙ୍କଡ ପଛରେ ଦୌଡୁଛନ୍ତି । ଅମାନିଆ ମାଙ୍କଡ ମଧ୍ୟ ଧରାନଦେଇ ଡିଆଁ ମାରୁଛନ୍ତି ।