ଲଘୁଚାପ ବର୍ଷାରେ ଭାଙ୍ଗିଲା ଘର, ବର୍ଷାରେ ବେସାହାରା ଚକ୍ରଧର

ଭଦ୍ରକ, ୨୭ା୮ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଦୁଇ ଦିନହେବ ଅବିରାମ ଗତିରେ ଲଘୁଚାପ ବର୍ଷା ଜନଜୀବନକୁ ଅସ୍ତ ବ୍ୟସ୍ତ କରିପକାଇଛି । ଏହି ବର୍ଷାରେ ବନ୍ତ ବ୍ଲକ ଗଣିଜାଙ୍ଗ ଜେନା ସାହିର ଚକ୍ରଧର ଜେନାଙ୍କ ଘର ଲଘୁଚାପ ବର୍ଷାରେ ଭାଙ୍ଗି ଯାଇଥିବା ଜଣାଯାଇଛି । ଫଳରେ ପରିବାର ଲୋକେ ପର ଘରେ ମୁଣ୍ଡ ଗୁଞ୍ଜିଛନ୍ତି । ସେ ଜଣେ ଗରିବ ଓ ଦିନ ମଜୁରିଆ ଶ୍ରେଣୀର ବ୍ୟକ୍ତି ହୋଇଥିବା ବେଳେ ଏବେ ଘର ତିଆରି କରିବା ତାଙ୍କ ପକ୍ଷେ ଚିନ୍ତାର କାରଣ ହୋଇଛି । ଏସଂପର୍କରେ ସରପଞ୍ଚ ରଞ୍ଜନ ସାହୁଙ୍କୁ ପଚାରିବାରୁ ସେ ରାଜସ୍ୱ ନୀରିକ୍ଷକଙ୍କୁ ଅବଗତ କରାଇଥିବା କହିଛନ୍ତି । ସଂପୃକ୍ତ ବିପନ୍ନ ପରିବାରକୁ ସରକାରୀ ସହାୟତା ସହ ପ୍ରଧାନମନ୍ତ୍ରୀ ଆବାସ ଗୃହ ଯୋଗାଇ ଦେବାକୁ ଗ୍ରାମବାସୀ ମାନେ ଦାବୀ କରିଛନ୍ତି ।