ମାଲକାନଗିରି,୨୭ା୩ (ଓଡିଆ ପୁଅ )ସମଗ୍ର ବିଶ୍ୱ ଭୟାବହ କରୋନା କବଳରେ ପଡି ଅଣନିଶ୍ୱାସି ହୋଇପଡୁଥିବା ବେଳେ ଏହାର ସଂକ୍ରମଣ ରୁ ରକ୍ଷାପାଇବା ପାଇଁ ଭାରତ ସରକାର ସମଗ୍ର ଦେଶରେ ଲକ ଡାଉନ ଘୋଷଣା କରିଛନ୍ତି । ମାଲକାନଗିରି ଜିଲ୍ଲାକୁ ବୁଲିବାକୁ ଆସିଥିବା ୮ଜଣ ବାଙ୍ଗଲା ଦେଶୀ ପର୍ଯ୍ୟଟକ ଏହି ଲକ ଡାଉନ ଘୋଷଣା ହେବାପରେ ସେମାନଙ୍କ ଦେଶକୁ ଯାଇ ନପାରି ମାଲକାନଗିରି ଜିଲ୍ଲାରେ ଅଟକି ରହିଛନ୍ତି । ଗତ ଜାନୁଆରୀ ମାସ ୮ତାରିଖରେ ବାଙ୍ଗଲାଦେଶର ଖୁଲନା ଜିଲ୍ଲାରୁ ୫ଜଣ ପୁରୁଷ ଓ ୩ଜଣ ମହିଳା ମୋଟ ୮ଜଣ ପର୍ଯ୍ୟଟକ ଭାରତ ଭ୍ରମଣରେ ଆସିଥିଲେ । ମାର୍ଚମାସ ୯ତାରିଖ ରେ ମାଲକାନଗିରି ଜିଲ୍ଲା ପୋଟେରୁ ଆଶ୍ରମ ଠାରେ ଅନୁଷ୍ଟିତ ଦୋଳପୂର୍ଣ୍ଣୀମା ଉତ୍ସବ ଦେଖିବା ପାଇଁ ଏହି ବାଙ୍ଗଲାଦେଶୀ ପର୍ଯ୍ୟଟକ ମାନେ ଆସିଥିଲେ ଓ ଉତ୍ସବରେ ଯୋଗଦେଇଥିଲେ । ସେମାନେ ନିଜ ଦେଶକୁ ଫେରିବା ପୁବ ର୍ରୁ ସମଗ୍ର ଭାରତରେ ଲକ ଡାଉନ ପରିସ୍ଥିତି ହୋଇଗଲା, ଫଳରେ ସେମାନେ ମାଲକାନଗିରି ଜିଲ୍ଲାରୁ ଆଗକୁ ଯାଇପାରୁନାହାଁନ୍ତି । ଆସନ୍ତା ଏପ୍ରୀଲ ମାସ ୮ତାରିଖରେ ସେମାନଙ୍କର ଭିଜାର ଶେଷ ତାରିଖ ରହିଥିବା ବେଳେ ଲକ ଡାଉନ ୧୪ତାରିଖ ପର୍ଯ୍ୟନ୍ତ ବଳବତର ରହୁଥିବାରୁ ଚିନ୍ତାରେ ପଡି ଯାଇଛନ୍ତି ଏହି ବାଙ୍ଗଲାଦେଶୀ ପର୍ଯ୍ୟଟକ ମାନେ । ଏ ସଂପର୍କରେ ମାଲକାନଗିରି ଜିଲ୍ଲାପାଳ ଓ ଏସପି ଙ୍କୁ ଜଣାଇବା ପରେ ଜିଲ୍ଲାପ୍ରଶାସନର ନିର୍ଦ୍ଦେଶ କ୍ରମେ କାଲିମେଳା ଥାନା ଅଧିକାରୀ ପୋଟେରୁ ଆଶ୍ରମକୁ ଯାଇ ବାଙ୍ଗଲାଦେଶୀ ପର୍ଯ୍ୟଟକ ମାନଙ୍କ ଭିଜା ଓ ଅନ୍ୟାନ ପ୍ରମାଣ ପତ୍ର ଯାଚଂ କରିଛନ୍ତି । ନିୟମ ଅନୁସାରେ ସମସ୍ତ ପ୍ରମାଣ ପତ୍ର ଠିକ ଥାଇ ସୋନେ ଭାରତ ଭ୍ରମଣରେ ଆସିଥିବା ବେଳେ ଏବେ ନିଜ ଦେଶକୁ କିପରି ଫେରିବେ ସେ ନେଇ ସରକାରଙ୍କ ସାହାଯ୍ୟ ଲୋଡିଛନ୍ତି ଏହି ପର୍ଯ୍ୟଟକ ମାନେ ।