ରାସ୍ତା ସଫେଇ କଲେ ଯୁବକ ସଂଘ

ଭଦ୍ରକ, ୧୯ା୭ (ଓଡ଼ିଆ ପୁଅ / ସ୍ନିଗ୍ଧା ରାୟ)- ଏହି ବ୍ଲକର ମଣିନାଥପୁର ଯୁବକ ସଂଘର ସଦସ୍ୟମାନେ ଗ୍ରାମର ପକ୍କାରାସ୍ତା ଉପରେ ଜମି ରହିଥିବା ମାଟିକାଦୁଅକୁ ମଙ୍ଗଳବାର ସଫେଇ କରିଛନ୍ତି। ଗ୍ରାମର ମୁଖ୍ୟବସ୍ତିରୁ ସ୍କୁଲକୁ ସଂଯୋଗ କରୁଥିବା ରାସ୍ତାର ମିଶନଶକ୍ତି ଗୃହ ସମ୍ମୁଖରେ ପକ୍କା ରାସ୍ତା ଉପରେ ବହଳ କାଦୁଅକୁ ଗୋପବନ୍ଧୁ ଯୁବକ ସଂଘ ସଭାପତି ସୁରଥ ଦାସ, ନିରଞ୍ଜନ ବେହେରା, ନିଶିଥ ମହାରଣା, ଟୁକୁନୁ ପଣ୍ଡା, ଜିତେନ୍ଦ୍ର ଦାସ, ପ୍ରଶାନ୍ତ ଦାସ, ବିକ୍ରମ କେଶରୀ ଦାସ, ଅଲେଖ ଦାସ, ଆଲୋକ ସେଠୀ ପ୍ରମୁଖ ରାସ୍ତା ସଫେଇ କରି ଯାତାୟାତ ସୁଗମ କରିଥିଲେ।