ରଣପୁର ତହସିଲ୍‌ଦାରଙ୍କ ଦ୍ୱାରା ୩ମାଙ୍କଡା ବୋଝେଇ ମିନି ଟ୍ରକ୍ ଜବତ

ନୟାଗଡ/୨୮/୦୧(ଓଡିଆ ପୁଅ/ଦେବୀପ୍ରସାଦ ଆଚାର୍ଯ୍ୟ)-ରଣପୁରର ପୁର୍ବତନ ତହସିଲ୍‌ଦାର ସୁଶାନ୍ତ କୁମାର ପତିଙ୍କ ବଦଳି ପରେ ନୂତନ ଭାବେ ତହସିଲ୍‌ଦାର ଯୋଗ ଦେଇନଥିଲେ ମଧ୍ୟ ୨ଜଣ ଅତିରିକ୍ତ ତହସିଲ୍‌ଦାର ଅନିଲ୍ କୁମାର ଆଚାର୍ଯ୍ୟ ଓ ଅଶୋକ ପଟ୍ଟନାୟକ ଯୋଗ ଦେଇଛନ୍ତି ।

ଅନିଲ୍ କୁମାର ଆଚାର୍ଯ୍ୟ ତହସିଲ୍‌ଦାର ଭାବେ କାର୍ଯ୍ୟ ତୁଲାଉଥିବା ଜଣା ପଡିଛି । ତେଣୁ ସେ ମାଙ୍କଡା ପଥର ଚୋରା ଚାଲାଣ ଉପରେ ବ୍ୟାପକ ଚଢାଉ ଆରମ୍ଭ କରିଛନ୍ତି । ଗତ ଜାନୁୟାରୀ ୨୭ ତାରିଖ ରାତ୍ରିରେ OR-02-AY 1726, OR-02-AW 4985 ଓ OR-02-BA 5315 ନମ୍ବର ବିଶିଷ୍ଟ ୩ଗୋଟି ମାଙ୍କଡା ପଥର ବୋଝେଇ ଗାଡିକୁ ଜବତ କରିଥିବା ଜଣା ପଡିଛି । ଏହି ଚଢାଉ ଫଳରେ ମାଙ୍କଡା ଚୋରା ଚାଲାଣକାରୀଙ୍କ ମନରେ ଭୟ ସୃଷ୍ଟି ହୋଇଛି ।