ଯଶୋଟିକିରିରେ ଅଗ୍ନିକାଣ୍ଡ, ଗୋରୁଗାଈ ଜୀବନ୍ତ ଦଗ୍ଧ

ଭଦ୍ରକ, ୧୦ା୧୨ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଏହି ଜିଲାର ଭଣ୍ଡାରିପୋଖରୀ ବ୍ଲକ ଅନ୍ତର୍ଗତ ଯଶୋଟିକିରି ଗ୍ରାମର ଚିନ୍ତାମଣି ସ୍ୱାଇଁଙ୍କ ଗୁହାଳ ଘରେ ନିଆଁଲାଗି ୨ ଗାଈ ଜୀବନ୍ତ ଦଗ୍ଧ ହୋଇଥିବା ବେଳେ ଅନ୍ୟ ଗୋରୁ ଗୁରୁତର ଆହତ ହୋଇଥିବା ଜଣାଯାଇଛି। ଶୁକ୍ରବାର ରାତ୍ର ପ୍ରାୟ ୨.୧୫ଟା ବେଳେ ଗୁହାଳଘର ଜଳିଯାଇଥିଲା। ବାସଗୃହ ଠାରୁ ଦୂର ଓ ଶୀତଦିନ ରାତି ହୋଇଥିବାରୁ ସବୁକିଛି ଜଳିଯାଇଥିଲା। ଶୌଚପାଇଁ ଲୋକେ ଉଠି ପୋଡାଗନ୍ଧ ବାରି ଅଗ୍ନିକାଣ୍ଡ ସମ୍ପର୍କରେ ଜାଣିବାକୁ ପାଇଥିଲେ। ସୂଚନା ପାଇ ଭଣ୍ଡାରିପୋଖରୀରୁ ଦମକଳ କେନ୍ଦ୍ର କର୍ମଚାରୀ ଆସି ଅଗ୍ନିକୁ ଆୟତ୍ତ କରିଥିଲେ। ଏହି ଅଗ୍ନିକାଣ୍ଡରେ ଧାନହଲର ମେସିନ, ଗୋରୁଗାଈ, ଓ ଅନ୍ୟାନ୍ୟ ସାମଗ୍ରୀ ପୋଡି ପାଉଁଶ ହୋଇଯାଇଛି। ଅଗ୍ନିକାଣ୍ଡର କାରଣ ଅସ୍ପଷ୍ଟ ରହିଛି।