ମୋବାରକପୁର ମେଲଣ ଉଦଯାପିତ

ଭଦ୍ରକ, ୩ା୪ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଏହି ଜିଲାର ଭଣ୍ଡାରିପୋଖରୀ ବ୍ଲକର ପାଟୁଳୀ ପଞ୍ଚାୟତ ମୋବାରକପୁରରେ ୩୪ ତମ ମେଲଣ ଉଦଯାପିତ ହୋଇଯାଇଛି । ମା’ମଙ୍ଗଳା କମିଟି ଆନୁକୂଲ୍ୟରେ ମୋବାରକପୁର ପଡିଆରେ ଅନୁଷ୍ଠିତ ଏହି ମେଲଣରେ ମୋବାକପୁର, ପାଟୁଳୀ, ଥାନପତି, ଜାଗୁଳାଇ ଆଦି ବହୁ ବିମାନ ଭଜନ ସଙ୍କିର୍ତ୍ତନ ସହ ଶୋଭାଯାତ୍ରାରେ ଆସି ଅଂଶଗ୍ରହଣ କରିଥିଲେ । ମେଲଣ କମିଟି ପକ୍ଷରୁ ପୂଜକ ଟୁକୁନା ମିଶ୍ର, ଜଡୁଆ ପତି ରାଧାଗୋବିନ୍ଦଙ୍କୁ ପୂଜାର୍ଚ୍ଚନା କରି ସହ ଭୋଗଲାଗି କରିଥିଲେ । ଭକ୍ତ ଓ ଭଗବାନ ଅବିର ଆଦି ରଙ୍ଗରେ ରଙ୍ଗାୟିତ ହୋଇଥିଲେ । କମିଟି ପକ୍ଷରୁ ଲକ୍ଷ୍ମଣ ନାୟକ, ରମେଶ ଚନ୍ଦ୍ର ବେହେରା, ମାନସ ଚନ୍ଦ୍ର ଗିରି, ରାଜେନ୍ଦ୍ର ପତି, କମଳାକାନ୍ତ ପରିଡା ପ୍ରମୁଖ ମେଲଣ ପରିଚାଳନା କରିଥିଲେ ।