ମୋବାଇଲ ଚୋରି ଅଭିଯୋଗ ରେ ୩ ଅଟକ, ୮ ମୋବାଇଲ ସହ ୨ ପଲସର ବାଇକି ଜବତ

ଭଦ୍ରକ, ୧୮ା୧୧ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଏହି ଜିଲାର ଧାମନଗର ଥାନା ଅଂଚଳ ମୋବାଇଲ ଚୋର ମାନେ ବେଶ ସକ୍ରିୟ ହୋଇ ଉଠିଛନ୍ତି । ଧାମନଗର କଲେଜ ନିକଟସ୍ତ ନୂଆପଡ଼ା ଅଂଚଳ ର ଏକ ବସ୍ତି ରେ କିଛି ପିଲା ଠାରୁ ବୃଦ୍ଧ ମାନେ ମୋବାଇଲ ଓ ବାଇକି ଚୋରୀ କରି ବେଶ୍ ମାଲେମାଲ ହେଉଛନ୍ତି । ଏପରି କି ଏ ମାନେ ଜିଲ୍ଲା ତଥା ଜିଲ୍ଲା ବାହାରେ ବିଭିନ୍ନ ପର୍ବ ପର୍ବାଣୀ ମେଳା ରେ ଚୋରୀ କାମ କରନ୍ତି । ତେବେ ଆଜି ପାଣିକୋଇଲି ଅଂଚଳ ରୁ ଏକ ମୋବାଇଲ ଚୋରୀ ବେଳେ ଏହି ଖବର ପଦାକୁ ଆସିଛି। ଘଟଣା ରୁ ପ୍ରକାଶ ଯେ ଭଦ୍ରକ ର ଦେବେନ୍ଦ୍ର ପ୍ରଧାନ ପାଣିକୋଇଲି ଅଂଚଳ ରେ ଟେଲିକମ ବେପାର କରୁଥିବା ବେଳେ ତାଙ୍କ କର୍ମଚାରି ଙ୍କ ନିକଟରୁ ମୋବାଇଲ ଲୁଟେରା ମୋବାଇଲ ଛଡ଼ା ନେଇ ଦୃତ ଗତି ରେ ନେଇ ପଳାଇ ଆସୁଥିଲେ ।ତେବେ ଚୋରୀ ମୋବାଇଲ ର ଜି ପି ଆ ର ଏସ ସେଟିଂ ଥିବାରୁ ଦେବେନ୍ଦ୍ର ଓ ତାଂକ ସାଙ୍ଗ ମାନେ ଚୋର ର ପିଛା କରିଥିଲେ। ଚୋର ମାନେ ଧାମନଗର କଲେଜ ନିକଟସ୍ତ ନୂଆପଡ଼ା ସ୍ଥିତ ଏକ ନିଛାଟିଆ ଜାଗାରେ ଚୋର ଭାଗ ବଂଟୁରା କରୁଥିବା ବେଳେ ଧାମନଗର ଥାନା ଅଧିକାରୀ ଙ୍କ ନିର୍ଦେଶ କ୍ରମେ ଏ ଏସ ଆଇ ସୁଜିତି ରାଉତ ଘଟଣା ସ୍ଥଳ ରେ ପହଂଚି ଜଣ କୁ ଧରି ଥିଲେ ସେଠାରୁ ୮ ଟି ଚୋରୀ ମୋବାଇଲ ସହ ୨ ଟି ପଲସର ବାଇକି କୁ ପୋଲିସ ମଧ୍ୟ ଜବତ କରିଛନ୍ତି। ଘଟଣା ସ୍ଥଳ ରୁ ଦୁଇ ଜଣ ଫେରାର ହୋଇ ଥିଲେ ।ତେବେ ସଂଧ୍ୟା ହେବାରୁ ଲୁଚି ଥିବା ଚୋର ଦୁଇଜଣ ବାହାରି ଯାଉଥିବା ବେଳେ ଧାମନଗର ପୋଲିସ ଦୁଇଜଣ କୁ ଧରିଛି। ତେବେ ଘଟଣା ଟି ପାଣିକୋଇଲି ଅଂଚଳ ରୁ ହୋଇ ଥିବାରୁ ଚୋରି ମୋବାଇଲ,ଅଭିଯୁକ୍ତ ଓ ବାଇକି କୁ ପାଣିକୋଇଲି ପୋଲିସ କୁ ହସ୍ତାନ୍ତର କରାଯିବ ବୋଲି ଧାମନଗର ଥାନା ଅଧିକାରୀ ଫନିନ୍ଦ୍ର ଭୂଷଣ ନାୟକ ସୁଚନା ଦେଇଛନ୍ତି।