ମୁମ୍ବାଇ,୦୭/୦୯,(ଓଡ଼ିଆ ପୁଅ ପି ନାଏକ): ମୁମ୍ବାଇରେ ପହଞ୍ଚିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଏଠାରେ ପହଞ୍ଚିଲା ପରେ ମୋଦିଙ୍କୁ ମହାରାଷ୍ଟ୍ରର ମୁଖ୍ୟମନ୍ତ୍ରୀ ଦେବେନ୍ଦ୍ର ଫର୍ଣ୍ଣାବୀସ ଏବଂ ରାଜ୍ୟପାଳ ଭଗତ ସିହଂ କୋଶ୍ୟାରୀ ସ୍ୱାଗତ କରିଥିଲେ । ଏହା ପରେ ପିଏମ୍ ମୋଦି ବିଲେ ପାର୍ଲେରେ ଥିବା ଲୋକମାନ୍ୟ ସେବା ସଙ୍ଘ ତିଲକ ମନ୍ଦିରରେ ପୂଜା କରିଥିଲେ । ଏଥିସହିତ ମୁମ୍ବାଇର ତିନୋଟି ମେଟ୍ରୋ ଲାଇନ୍ର ଲୋକାର୍ପଣ କରିଛନ୍ତି ମୋଦି। ଏକ ଦିବସୀୟ ମହାରାଷ୍ଟ୍ର ଗସ୍ତରେ ମୋଦି ପହଞ୍ଚି ଏଠାରେ ପାଳନ କରାଯାଉଥିବା ଗଣେସ ପୂଜାରେ ମଧ୍ୟ ସାମିଲ୍ ହୋଇଥିଲେ ।ପାଖାପାଖି ୧୯ ହଜାର କୋଟି ଟଙ୍କାର ଏହି ନିନୋଟି ମେଟ୍ରୋ ଲାଇନ୍ ପରିଯୋଜନା ଲୋକୋର୍ପଣ କରିଛନ୍ତି ମୋଦି ।
ଏଥିସହିତ ମୋଦି ମେଟ୍ରୋ ଭବନର ଭୂମିପୂଜା ମଧ୍ୟ କରିଛନ୍ତି । ମେଟ୍ରୋ ଭବନର କାର୍ଯ୍ୟ ୩୬ ମାସ ରେ ସମ୍ପୂର୍ଣ୍ଣ ହେବା ନେଇ ଆଶା କରାଯାଉଛି । ସେହିପରି ତିନି ମେଟ୍ରୋ ଲାଇନ୍ର କାର୍ଯ୍ୟ ୨୦୨୬ ପର୍ଯ୍ୟନ୍ତ ଶେଷ ହେବା ନେଇ ଆଶ କରାଯାଇଛି ।