ମହିଳାଙ୍କୁ ଆକ୍ରମଣ; ଗୁରୁତର ଆହତ ହୋଇ କଟକରେ ଚିକିତ୍ସିତ : ପୁଲିସ କାର୍ଯ୍ୟାନୁଷ୍ଠାନ ନାହିଁ

ଭଦ୍ରକ, ୭ା୫ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଏହି ଜିଲାର ଭଣ୍ଡାରିପୋଖରୀ ବ୍ଲକ ଅନ୍ତର୍ଗତ ବିଷ୍ଣୁପୁର ପଞ୍ଚାୟତ ମୀରହସନପୁର ଗ୍ରାମ ବିରିବିନ୍ଧାଶାସନ ସାହିର ମଧୁସ୍ମିତା ମିଶ୍ରଙ୍କୁ ପଡୋଶୀ ପ୍ରଦୀପ କୁମାର ମିଶ୍ର ଓ ପତ୍ନୀ ଅନୁସୂୟା ଶାବଳରେ ଆକ୍ରମଣ କରି ଗୁରୁତର ଆହତ କରିଦେଇଥିବା ଅଭିଯୋଗ ଧାମନଗର ଥାନାରେ ହୋଇଛି । ଦିନ ପ୍ରାୟ ଦଶଟା ବେଳେ ମଧୁସ୍ମିତାଙ୍କ ଶୌଚାଳୟକୁ ପ୍ରଦୀପ ଓ ଅନୁସୂୟା ଭାଙ୍ଗୁଥିବା ବେଳେ ମଧୁସ୍ମିତା ପ୍ରତିବାଦ କରିଥିଲେ । ଏଥିରେ ଉତକ୍ଷିପ୍ତ ହୋଇ ଉଭୟ ପତିପତ୍ନୀ ଶାବଳ ସହାୟତାରେ ମଧୁସ୍ମିତାକୁ ଆକମ୍ରଣ କରି ମୁଣ୍ଡ ଫଟାଇ ଦେଇଥିଲେ ବୋଲି ଧାମନଗର ଥାନାରେ ଅଭିଯୋଗ ହୋଇଛି । ମଧୁସ୍ମିତାକୁ ପ୍ରଥମେ ଭଦ୍ରକ ଓ ପରେ କଟକକୁ ଚିକିତ୍ସା ପାଇଁ ନିଆଯାଇଛି ବୋଲି ପରିବାର ଲୋକେ ସୂଚନା ଦେଇଛନ୍ତି । ଅଭିଯୋଗ ପାଇ ମଧ୍ୟ ପୁଲିସ କୌଣସି ପଦକ୍ଷେପ ନେଇନଥିବାରୁ ଅଭିଯୋଗକାରୀଙ୍କ ପକ୍ଷରୁ ଅସନ୍ତୋଷ ବ୍ୟକ୍ତ କରାଯାଇଛି । ତଦନ୍ତ ପରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଳି ପୁଲିସ ପକ୍ଷରୁ ସୂଚନା ଦିଆଯାଇଛି ।