ମନ କି ବାତ କାର୍ଯ୍ୟକ୍ରମରେ ଆଶା ଓ ଅଙ୍ଗନୱାଡି କର୍ମୀଙ୍କୁ ସମ୍ବର୍ଦ୍ଧିତ କଲେ ବଦ୍ରୀ

ଭଦ୍ରକ, ୩୦ା୪ (ଓଡ଼ିଆ ପୁଅ / ସ୍ନିଗ୍ଧା ରାୟ) – ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଶହେତମ ‘ମନ କି ବାତ୍‌’ ପ୍ରସାରଣ ଅବସରରେ ଆଶା ଓ ଅଙ୍ଗନୱାହି ଦିଦିଙ୍କୁ ସମ୍ବର୍ଦ୍ଧିତ କରିଛନ୍ତି ବିଜେପି ରାଜ୍ୟ କାର୍ଯ୍ୟକାରିଣୀ ସଦସ୍ୟ ବଦ୍ରୀନାରାୟଣ ଧଳ । ଭଣ୍ଡାରିପୋଖରୀ ନିର୍ବାଚନମଣ୍ଡଳୀର ବଳଦେବଜୀଉ ମଣ୍ଡଳ ରହଣିଆ ୨୩୩ନଂ ଶକ୍ତିକେନ୍ଦ୍ର ବେଲଗଡିଆ ଠାରେ ସ୍ଥାନୀୟ ଅଙ୍ଗନୱାଡି ଦିଦି ଓ ଆଶାକର୍ମୀଙ୍କୁ ରବିବାର ସମ୍ବର୍ଦ୍ଧିତ କରାଯାଇଥିଲା । ଅନ୍ୟମାନଙ୍କ ମଧ୍ୟରେ ରହଣିଆ ସରପଞ୍ଚ ରଞ୍ଜନ କୁମାର ପରିଡା, ସମିତି ସଭ୍ୟା ପ୍ରତିନିଧି ଅମୁଲ୍ୟ କୁମାର ସେଠୀ, ଉପେନ୍ଦ୍ର ବଳ, ଗଦାଧର ମହାନ୍ତି, ସତ୍ୟବ୍ରତ ରାଉତ, ବିଶ୍ୱନାଥ ତ୍ରିପାଠୀ ପ୍ରମୁଖ ଶତାଧିକ ବ୍ୟକ୍ତି ଏହି କାର୍ଯ୍ୟକ୍ରମରେ ଉପସ୍ଥିତ ଥିଲେ ।