ନୂଆ ଦିଲ୍ଲୀ ୧୭-୩ (ଓଡ଼ିଆ ପୁଅ) ବୁଧବାର ଜାପାନରେ ଏକ ଶକ୍ତିଶାଳୀ ଭୂକମ୍ପ ପରେ ଗୁରୁବାର ଦିନ ଇରାନରେ ଏକ ଶକ୍ତିଶାଳୀ ଭୂମିକମ୍ପ ଅନୁଭୂତ ହୋଇଛି। ରିକ୍ଟର ସ୍କେଲରେ ଏହାର ତୀବ୍ରତା ୬ ରେ ମାପ କରାଯାଇଥିଲା।
ସୂଚନାଯୋଗ୍ୟଯେ, ଏହା ପୂର୍ବରୁ ଜାପାନରେ ୭.୧ ମ୍ୟାଗ୍ନିଚ୍ୟୁଡର ଭୂକମ୍ପ ପରେ ବୁଲେଟ୍ ଟ୍ରେନ୍ ଚଳାଚଳ ପ୍ରଭାବିତ ହୋଇଥିଲା। ସେଠାରେ ଭୂମିକମ୍ପ ଯୋଗୁଁ ୪ ଜଣଙ୍କର ମୃତ୍ୟୁ ଘଟିଥିବା ବେଳେ ୯୦ ଜଣ ଆହତ ହୋଇଥିଲେ।
ଇରାନରେ ଏପର୍ଯ୍ୟନ୍ତ ଜୀବନ କିମ୍ବା ସମ୍ପତ୍ତି ନଷ୍ଟ ହେବାର ଖବର ନାହିଁ। ଗୁରୁବାର ସକାଳେ ଦକ୍ଷିଣ ଇରାନରେ ପ୍ରବଳ ଭୂମିକମ୍ପ ଅନୁଭୂତ ହୋଇଥିଲା। ଏହି ଭୂକମ୍ପର କେନ୍ଦ୍ରସ୍ଥଳ ପୃଥିବୀପୃଷ୍ଠରୁ ୧୦ କିଲୋମିଟର ଗଭୀରରେ ଥିଲା। ଇରାନରେ ହୋଇଥିବା ଭୂକମ୍ପର ଖବର GFZ ଜର୍ମାନ ଅନୁସନ୍ଧାନ କେନ୍ଦ୍ର ଫର ଜିଓ ସାଇନ୍ସ ଦ୍ୱାରା ଦିଆଯାଇଛି।
ବୁଧବାର ରାତି ୮.୦୬ ରେ ଜାପାନରେ ଭୂମିକମ୍ପ ଅନୂଭୂତ ହୋଇଥିଲା। ଏହାର କେନ୍ଦ୍ର ଟୋକିଓ ଠାରୁ ୨୯୭ କିଲୋମିଟର ଦୂରରେ ଥିଲା। ପୂର୍ବ ଜାପାନରେ ବ୍ୟାପକ ଧ୍ୱଂସାବଶେଷ ଘଟିଥିବାର ସୂଚନା ମିଳିଛି। ରାତିସାରା ପୂର୍ବ ଜାପାନର ବଡ଼ ଅଂଶରେ କମ୍ପନ ହୋଇଥିଲା। କିଛି ଅଞ୍ଚଳରେ ତୀବ୍ରତା ୭.୪ ପର୍ଯ୍ୟନ୍ତ ମୂଲ୍ୟାୟନ କରାଯାଇଥିଲା।
ଟୋକିଓ ଇଲେକ୍ଟ୍ରିକ୍ ପାୱାର୍ କମ୍ପାନୀ ଅନୁଯାୟୀ, ଭୂମିକମ୍ପ ଯୋଗୁଁ ଜାପାନର ପ୍ରାୟ ଦୁଇ ଲକ୍ଷ ଘର ବିଦ୍ୟୁତ୍ ହରାଇଛନ୍ତି। ଭୂକମ୍ପର କମ୍ପନ ବହୁତ ଶକ୍ତିଶାଳୀ ଥିଲା। ଯାହା ପରେ ସୁନାମି ଆଲର୍ଟ ଜାରି କରାଯାଇଥିଲା।