ହରିଚନ୍ଦନପୁର,ତା ୪ ଡିସେମ୍ବର (ଓଡ଼ିଆ ପୁଅ/ପ୍ରେମାନନ୍ଦ ଦାସ) କେନ୍ଦୁଝର ଜିଲ୍ଲା ହରିଚନ୍ଦନପୁର ଥାନା ଓ ତହସିଲ କାର୍ଯ୍ୟାଳୟ ନିକଟସ୍ଥ ଜଗନ୍ନାଥ ମନ୍ଦିର ନିକଟରେ ଭାରସାମ୍ୟ ହରାଇ ବାଇକକୁ ଧକ୍କା ଦେଲା ବାଇକ୍ ଜଣେ ଗୁରୁତର ଥିବା ବେଳେ ଜଣେ ସାମାନ୍ୟ ଆହତ ହୋଇଛନ୍ତି । ଖବର ମୁତାବକ ଶୁକ୍ରବାର ସନ୍ଧ୍ୟା ସମୟରେ ସୁନାପେଣ୍ଠ କଣ୍ଟୁଳା ଗ୍ରାମର ମକୁରୁ ଜୁଆଙ୍ଗଙ୍କ ପୁଅ ରୁଦୁନା ଜୁଆଙ୍ଗ କୌଣସି କାମରେ ହରିଚନ୍ଦନପୁର ସାପ୍ତାହିକ ହାଟକୁ ଆସିଥିଲେ । ସେଠାରୁ ଘରକୁ ଫେରୁଥିବା ସମୟରେ ମାନପୁର ଗ୍ରାମର କଳିଙ୍ଗ ପାତ୍ର, ପତ୍ନୀ ଓ ଛୁଆଙ୍କ ସହ ସିଂହବିଲା ଗ୍ରାମ ସମ୍ପର୍କୀୟ ଘରୁ ନିଜ ଘରକୁ ଫେରୁଥିବା ବେଳେ ଜଗନ୍ନାଥ ମନ୍ଦିର ନିକଟରେ ରୁଦୁନା ଭାରସାମ୍ୟ ହରାଇ କଳିଙ୍ଗଙ୍କ ବାଇକକୁ ଧକ୍କା ଦେଇଥିଲେ । ଫଳରେ ଘଟଣାସ୍ଥଳରେ ଉଭୟ ପଡ଼ି କଳିଙ୍ଗ ସାମାନ୍ୟ ଆହତ ହୋଇଥିବା ବେଳେ ରୁଦୁନା ଗୁରୁତର ଆହତ ହୋଇଛନ୍ତି । ଭଗବାନଙ୍କ କୃପାରୁ କଳିଙ୍ଗଙ୍କ ସହ ବାଇକରେ ପତ୍ନୀ ଓ ଦେଢ଼ ବର୍ଷର କୁନି ପୁଅ ଥିଲେ, ହେଲେ ଦୁର୍ଘଟଣାରେ ସେମାନଙ୍କର କିଛି କ୍ଷତି ହୋଇନାହିଁ । ଘଟଣା ଘଟିବାର ଦେଖି ସ୍ଥାନୀୟ ଲୋକେ ସଙ୍ଗେ ସଙ୍ଗେ ଅଗ୍ନିଶମ ବିଭାଗକୁ ଫୋନ୍ ଯୋଗେ ଜଣାଇଥିଲେ । ଖବର ପାଇ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ଉଭୟଙ୍କୁ ଉଦ୍ଧାର କରି ହରିଚନ୍ଦନପୁର ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରାଇଥିଲେ । ଚିକିତ୍ସା ପରେ କଳିଙ୍ଗ ସୁସ୍ଥ ଥିବା ବେଳେ ରୁଦୁନାଙ୍କ ସ୍ବାସ୍ଥ୍ୟ ଅବସ୍ଥା ଗୁରୁତର ଥିବାରୁ ତାଙ୍କୁ ଅଧିକ ଚିକିତ୍ସା ନିମନ୍ତେ କେନ୍ଦୁଝର ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଥିବା ସ୍ବାସ୍ଥ୍ୟକେନ୍ଦ୍ର ପକ୍ଷରୁ ସୂଚନା ମିଳିଛି ।
ଭାରସାମ୍ୟ ହରାଇ ବାଇକକୁ ଧକ୍କା ଦେଲା ବାଇକ୍ ୧ ଗୁରୁତର, ୧ ଆହାତ
