ନୂଆ ଦିଲ୍ଲୀ ୨୪ -୧୦ (ଓଡ଼ିଆ ପୁଅ) ୟୁଏଇ ଏବଂ ଓମାନରେ ଖେଳାଯାଉଥିବା ଟି -୨୦ ବିଶ୍ୱକପ୍ରେ ଭାରତ ଏବଂ ପାକିସ୍ତାନ ମଧ୍ୟରେ ମ୍ୟାଚ୍ ଆରମ୍ଭ ହୋଇଛି। ଏହି ମ୍ୟାଚରେ ପାକିସ୍ତାନ ଅଧିନାୟକ ବାବର ଆଜାମ ଟସ୍ ଜିତି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଛନ୍ତି।
ଭାରତର ଇନିଂସ ଆରମ୍ଭ ହୋଇଛି ଏବଂ କେଏଲ ରାହୁଲ ଏବଂ ରୋହିତ ଶର୍ମାଙ୍କ ଯୋଡି ଓପନ୍ିଂ କରିବାକୁ ଆସିଥିଲେ। ତିନି ଦ୍ରୁତ ବୋଲର ଏବଂ ଦୁଇ ସ୍ପିନରଙ୍କ ସହ ଭାରତ ଏହି ମ୍ୟାଚରେ ପଡ଼ିଆକୁ ଓହ୍ଲାଇଛି। ଦ୍ରୁତ ବୋଲରମାନେ ଭୁବନେଶ୍ୱର କୁମାର, ଜସପ୍ରୀତ ବୁମ୍ରା ଏବଂ ମହମ୍ମଦ ଶମି ଥିବାବେଳେ ସ୍ପିନରମାନଙ୍କ ମଧ୍ୟରେ ବରୁଣ ଚକ୍ରବର୍ତ୍ତୀ ଏବଂ ରବିନ୍ଦ୍ର ଜାଡେଜା ଅଛନ୍ତି। ଯଦି ଆମେ ଭାରତ ଏବଂ ପାକିସ୍ତାନ ମଧ୍ୟରେ ହେବାକୁ ଥିବା ବିଶ୍ୱକପ ମ୍ୟାଚକୁ ଦେଖିବା, ତେବେ ଏଠାରେ ଭାରତୀୟ ଦଳର ଆଭିମୁଖ୍ୟ ସ୍ପଷ୍ଟ ଦେଖାଯାଉଛି। ବର୍ତ୍ତମାନ ପର୍ଯ୍ୟନ୍ତ ଦୁଇ ଦଳ ମଧ୍ୟରେ ୧୨ ଟି ମ୍ୟାଚ୍ ଖେଳାଯାଇଛି, ଯେଉଁଠାରେ ଭାରତ ପ୍ରତ୍ୟେକ ଥର ଜିତିଛି। କିନ୍ତୁ ଭାରତକପ ପ୍ରଥମ ଝଟକା ଲାଗିଛି। ରୋହିତ ଶର୍ମା ବନା ଖାତାଖୋଲି ପାଭିଲିୟନ୍କୁ ପେରିଛନ୍ତି। ରୋହିତ ଶର୍ମା ଶାହିନନ ଆପ୍ରିଦିଙ୍କର ବଲ୍ ରେ LBW ହୋଇଛନ୍ତି।
କ୍ରିକେଟ୍ ପ୍ରଶଂସକମାନେ ବହୁ ଦିନ ଧରି ଅପେକ୍ଷା କରି ରହିଥିଲେ। ଟି -୨୦ ବିଶ୍ୱକପରେ ଭାରତ ଏବଂ ପାକିସ୍ତାନ ମଧ୍ୟରେ ମହାନ ମ୍ୟାଚ୍ ପାଇଁ ଉଭୟ ଦଳ ଦୁବାଇ ଇଣ୍ଟରନ୍ୟାସନାଲ ଷ୍ଟାଡିୟମରେ ପହଞ୍ଚିଛନ୍ତି। ଟି-୨୦ ବିଶ୍ୱକପର ୧୬ ତମ ମ୍ୟାଚ୍ ଅଧୀନରେ ଏହା ଉଭୟ ଦଳର ପ୍ରଥମ ମ୍ୟାଚ୍ ହେବ।
ପାକିସ୍ତାନ ଅଧିନାୟକ ବାବର ଆଜାମ ଟସ୍ ଜିତି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଥିଲେ। ଟସ୍ ପରେ ଅଧିନାୟକ କୋହଲି କହିଛନ୍ତି ଯେ ଟସ୍ ଜିତିବା ପରେ ଆମେ ବୋଲିଂ କରିବାକୁ ଚାହୁଁଥିଲୁ। କୋହଲି କହିଛନ୍ତି, ଇଶାନ କିଶାନ, ଆର ଅଶ୍ୱିନ, ଶାର୍ଦ୍ଦୁଲ ଠାକୁର ଏବଂ ରାହୁଲ ଚହର ହେଉଛନ୍ତି ଚାରିଜଣ ଖେଳାଳି ଯେଉଁମାନେ ଆଜି ଖେଳୁ ନାହାଁନ୍ତି। ପାକିସ୍ତାନ ଦଳରେ ହାୟଦାର ଅଲିଙ୍କୁ ଡ୍ରପ କରାଯାଇଛି।
ଭାରତୀୟ ଦଳ ଏହାର ବିଜୟ ଧାରା ବଜାୟ ରଖିବାକୁ ଚାହୁଁଥିବା ବେଳେ ଅନ୍ୟପଟେ ପାକିସ୍ତାନ ଅଧିନାୟକ ବାବର ଆଜାମ ରେକର୍ଡ ଭାଙ୍ଗିବାକୁ ଚେଷ୍ଟା କରିବେ। ପ୍ରକୃତ କଥା ହେଉଛି ଟି -୨୦ ବିଶ୍ୱକପ ମ୍ୟାଚରେ ମଧ୍ୟ ପାକିସ୍ତାନ ଦଳ ଭାରତକୁ ପରାସ୍ତ କରିପାରି ନାହିଁ। ଟି -୨୦ ବିଶ୍ୱକପ୍ର ପାଞ୍ଚଟି ମ୍ୟାଚ୍ରେ ଭାରତୀୟ ଦଳ ଅବିସ୍ମରଣୀୟ ବିଜୟ ହାସଲ କରିଛି।
ଇଣ୍ଡିଆ ପ୍ଲେଇଙ୍ଗ ଇଲେଭେନ୍ – ରୋହିତ ଶର୍ମା, କେ.ଏଲ୍ ରାହୁଲ, ବିରାଟ କୋହଲି (ଅଧିନାୟକ), ସୂର୍ଯ୍ୟକୁମାର ଯାଦବ ଋଷଭ ପନ୍ତ, ହାର୍ଦ୍ଦିକ ପାଣ୍ଡ୍ୟା, ରବିନ୍ଦ୍ର ଜାଡେଜା, ଭୁବନେଶ୍ୱର କୁମାର, ଜସପ୍ରୀତ ବୁମ୍ରା, ମହମ୍ମଦ ଶାମି, ବରୁଣ ଚକ୍ରବର୍ତ୍ତୀ।
ପାକିସ୍ତାନ ଏକାଦଶରେ ବାବର ଆଜମ, ମହମ୍ମଦ ରିଜୱାନ, ଫଖର ଜମାନ, ମହମ୍ମଦ ହାଫିଜ, ଶୋଏବ ମଲିକ, ଆସିଫ ଅଲି, ଇମାଦ ୱାସିମ, ଶାଦବ ଖାନ, ହାସନ ଅଲି, ଶାହିନ ଆଫ୍ରିଦି, ହରିସ ରାଉଫ ଅଛନ୍ତି।