ଭଦ୍ରକ : ୧୦୦ ଲିଟର ଦେଶୀ ମଦ ଜବତ, ଜଣେ ଗିରଫ

ଭଦ୍ରକ, ୨୫ା୬ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଭଦ୍ରକ ଜିଲାପାଳ ଡ. ଜ୍ଞାନ ଦାସଙ୍କ ନିର୍ଦ୍ଦେଶ କ୍ରମେ ଓ ଉପଜିଲାପାଳ ପୀତାମ୍ବର ସାମଲଙ୍କ ପ୍ରତ୍ୟେକ୍ଷ ତତ୍ତ୍ୱାବଧାନରେ ବିଭିନ୍ନ ଜାଗାରେ ନିଶା କାରବାର ଉପରେ ଚଢାଉ ଜାରି ରହିଛି । ଗତକାଲି ରାତିରେ ଭଦ୍ରକ ଜିଲା ଅବକାରୀ ବିଭାଗର ମୋବାଇଲ୍ ଥାନାଧିକାରୀ ଆଗରପଡା ଥାନା ଅଧୀନସ୍ଥ କୁଆପଦା ବଜାରରେ ଚଢାଉ କରି ସ୍କୁଟିରେ ଆସୁଥିବା ୧୦୦ ଲିଟର ଦେଶୀ ମଦ ଜବତ କରିଛନ୍ତି । ଏବଂ ଏହି ଘଟଣାରେ ସ୍ଥାନୀୟ ଅଂଚଳର ଘନଶ୍ୟାମ ବେହେରାଙ୍କ ପୁତ୍ର କୈଳାଶ ଚନ୍ଦ୍ରଙ୍କୁ ଗିରଫ କରି କୋର୍ଟ ଚାଲାଣ କରିଛନ୍ତି ।