ଭଦ୍ରକ : ମିର୍ଜାପୁରରୁ ଲକ୍ଷାଧିକ ଟଙ୍କାର ନକଲି ଜର୍ଦ୍ଦା ଜବତ, ଜଣେ ଅଟକ

ଭଦ୍ରକ, ୯ା୭ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଆଜି ଘର ଭିତରେ ତିଆରି ହୋଇଥିବା ନକଲି ଜର୍ଦ୍ଦାକୁ ପୁରୁଣାବଜାର ପୁଲିସ୍ ଚଢାଉ କରି ଜବତ କରିବା ସହ ଜଣେ ଅଭିଯୁକ୍ତକୁ ଗିରଫ କରିଛି । ସୂଚନା ଅନୁଯାୟୀ ପୁରୁଣାବଜାର ପୁଲିସ୍ ମିର୍ଜାପୁର ଅଂଚଳରେ ଏକ ଘର ଭିତରେ ଜର୍ଦ୍ଦା ତିଆରି ହେଉଥିବା ଖବର ପାଇ ଚଢାଉ କରିଥିଲା । ଚଢାଉବେଳେ ଘର ଭିତରେ ନକଲି ଜର୍ଦ୍ଦା ପ୍ୟାକେଟ୍ ଜବତ ହୋଇଥିଲା । ତା ସହ ଜର୍ଦ୍ଦା ତିଆରି ପାଇଁ ରହିଥିବା ନକଲି ଜର୍ଦ୍ଦା ପତି ସହ କେମିକାଲଓ ବିଭିନ୍ନ କଂପାନୀର ଲୋଗୋ ମଧ୍ୟ ଜବତ ହୋଇଛି । ଜବତ ଜର୍ଦ୍ଦାର ଆନୁମାନିକ ମୂଲ୍ୟ ଦେଢଲକ୍ଷ ଟଙ୍କାରୁ ଅଧିକ ହେବ ବୋଲି ଥାନାଧିକାରୀ ସୂଚନା ଦେଇଛନ୍ତି । ଏହି ଘଟଣାରେ ଜଣେ ଅଭିଯୁକ୍ତକୁ ମଧ୍ୟ ପୁଲିସ୍ ଅଟକ ରଖିଛି ।