ଭଣ୍ଡାରିପୋଖରୀର ବିଭିନ୍ନ ସ୍ଥାନରେ ଶିଶୁଦିବସ ପାଳିତ

ଭଦ୍ରକ, ୧୪ା୧୧ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଭଦ୍ରକ ଜିଲା ଭଣ୍ଡାରିପୋଖରୀ ବ୍ଲକ ଅଞ୍ଚଳର ବିଭିନ୍ନ ଶିକ୍ଷାନୁଷ୍ଠାନରେ ଶିଶୁ ଦିବସ ଆଜି ପାଳିତ ହୋଇଯାଇଛି । ଭଣ୍ଡାରିପୋଖରୀ କଲଚରାଲ ଏକାଡେମୀରେ ପ୍ରଥମ ପ୍ରଧାନମନ୍ତ୍ରୀ ପଣ୍ଡିତ ଜବାହାରଲାଲ ନେହେରୁଙ୍କ ୧୨୩ତମ ଜୟନ୍ତୀ ପାଳନ ସହ ଶିଶୁଦିବସ ପାଳନ କରାଯାଇଥିଲା । ଭଣ୍ଡାରିପୋଖରୀ ଉଚ୍ଚତର ମାଧ୍ୟମିକ ବିଦ୍ୟାଳୟ ଅଧ୍ୟକ୍ଷ ଭରତ ଚନ୍ଦ୍ର କରଣଙ୍କ ସଭାପତିତ୍ୱରେ ଅନୁଷ୍ଠିତ ଉତ୍ôସବକୁ ଡା ଯୋଗେନ୍ଦ୍ରନାଥ ଦାସ ପ୍ରଦୀପ ପ୍ରଜ୍ଜ୍ୱଳନ କରି ଉଦଘାଟନ କରିଥିଲେ । ଏକାଡେମୀ ସଭାପତି ଅନନ୍ତ ଚରଣ ତ୍ରିପାଠୀ, ବରିଷ୍ଠ ସଦସ୍ୟ ଧନେଶ୍ୱର ନାୟକ, କଳାଶିକ୍ଷକ ପଞ୍ଚାନନ ନାୟକ, ଅକ୍ଷୟ ସେନାପତି, ଜଗନ ମାଝୀ, ଶିକ୍ଷୟତ୍ରୀ ଜ୍ୟୋତିର୍ମୟୀ ଦ୍ୱିବେଦୀ ପ୍ରମୁଖ ଛାତ୍ରଛାତ୍ରୀମାନଙ୍କୁ ଉଦବୋଧନ ଦେଇଥିଲେ । ସଭ୍ୟ ଉପେନ୍ଦ୍ର ମାଝୀ ଧନ୍ୟବାଦ ଦେଇଥିଲେ । ସେହିଭଳି ମହୁରା ଉଚ୍ଚବିଦ୍ୟାଳୟରେ ପ୍ରଧାନ ଶିକ୍ଷକ ରବିନ୍ଦ୍ର କୁମାର ମହାରଣାଙ୍କ ଅଧ୍ୟକ୍ଷତାରେ ଶିଶୁଦିବସ ରବିବାର ପାଳନ କରାଯାଇଥିଲା । ଏଥିରେ ସମାଜସେବୀ ବାବାଜି ଚରଣ ଜେନା ମୁଖ୍ୟଅତିଥି, ପୁରାତନ ଛାତ୍ର ସଞ୍ଜୟ କୁମାର ପଣ୍ଡା ମୁଖ୍ୟବକ୍ତା, ପରିଚାଳନା ସଭାପତି ପ୍ରଭାତ ଜେନା ସମ୍ମାନିତ ଅତିଥି ଭାବେ ଯୋଗଦେଇ ଶିଶୁ ଦିବସ ପାଳନର ତାତ୍ପର୍ଯ୍ୟ ସମ୍ପର୍କରେ ବକ୍ତବ୍ୟ ରଖିଥିଲେ । ଏହି ଉପଲକ୍ଷେ ଛାତ୍ରଛାତ୍ରୀଙ୍କ ମଧ୍ୟରେ ଅନୁଷ୍ଠିତ ପ୍ରବନ୍ଧ, ତର୍କ, ଚିତ୍ରାଙ୍କନ, ସଙ୍ଗୀତ, ନୃତ୍ୟ ଆଦି ବିଷୟରେ ପ୍ରତିଯୋଗୀତାର କୃତୀ ପ୍ରତିଯୋଗୀଙ୍କୁ ପୁରସ୍କାର ବିତରଣ କରାଯାଇଥିଲା । ଶିକ୍ଷକ ସୁକାନ୍ତ ଦାଶ ଅତିଥି ପରିଚୟ ଓ ଶିକ୍ଷୟତ୍ରୀ ମଞ୍ଜିଷ୍ଠା ମିଶ୍ର ଧନ୍ୟବାଦ ଦେଇଥିଲେ । ପ୍ରସନ୍ନ ମହାକୁଳ, ମନସ୍ୱିନୀ ରାଉତ, ତପସ୍ୱିନୀ ଜେନା, ପୁଷ୍ପାଞ୍ଜଳୀ ପାଢୀ, ସଙ୍ଗୀତା ବେହେରା ପ୍ରମୁଖ କାର୍ଯ୍ୟକ୍ରମ ପରିଚାଳନା କରିଥିଲେ ।