ବୌଦ୍ଧବିହାରର ‘ଉଦ୍ଧାର ମାଟିପାତ୍ର’ ସୁରକ୍ଷା ପାଇଁ ଆଲମିରା ଦେବାକୁ ଥାନାଧିକାରୀ ଦେଲେ ପ୍ରତିଶ୍ରୁତି

ଭଦ୍ରକ, ୧ା୧ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଭଦ୍ରକ ଜିଲା ଭଣ୍ଡାରିପୋଖରୀ ବ୍ଲକ ଅନ୍ତର୍ଗତ ଷୋଳମପୁର ବୌଦ୍ଧବିହାର ସଂଗ୍ରହାଳୟରେ ଥିôବା ବୈତରଣୀ ନଦୀଶଯ୍ୟାରୁ ଉଦ୍ଧାର ହୋଇଥିବା ପ୍ରାଚୀନ ମାଟିପାତ୍ରଗୁଡିକର ସୁରକ୍ଷା ପାଇଁ କାଚ ଆଲମିରା ଥାନା ପକ୍ଷରୁ ଅବିଳମ୍ବେ ପ୍ରଦାନ ପାଇଁ ନବନିଯୁକ୍ତ ଥାନାଧିକାରୀ ଅମିତାଭ ଦାଶ ନବବର୍ଷରେ ପ୍ରତିଶ୍ରୁତି ଦେଇଛନ୍ତି । ନବବର୍ଷ ଉପଲକ୍ଷେ ବୈଦ୍ଧବିହାରକୁ ସ୍ୱତନ୍ତ୍ର ଗସ୍ତରେ ଆସି ଶ୍ରୀ ଦାଶ, ଏସ.ଆଇ. ଅନୁରାଗ ମହାନ୍ତି, କନେଷ୍ଟବଳ ସନ୍ମୟ ପାତ୍ର, ସୁଶାନ୍ତ ସିଂ, କିଶୋର ମହାପାତ୍ର ପ୍ରମୁଖ ବୈଦ୍ଧବିହାରର କିର୍ତ୍ତିରାଜିଗୁଡିକ ଅନୁଧ୍ୟାନ କରିବା ସହ ସିସିଟିଭି ବ୍ୟବସ୍ଥା ଓ ମୂର୍ତ୍ତିଗୁଡିକର ସୁରକ୍ଷା ଆଦି ସମ୍ପର୍କରେ ସମାଜସେବୀ ବିଶ୍ୱମ୍ଭର ରାଉତଙ୍କ ସହ ଆଲୋଚନା କରିଥିଲେ । ଏହି ଅବସରରେ ଉଦ୍ଧାର ମାଟିପାତ୍ରଗୁଡିକର ସଂରକ୍ଷଣ ପାଇଁ ସଂଗ୍ରହାଳୟ ମଧ୍ୟରେ କାଚ ଆଲିମରା ନିର୍ମାଣ ପାଇଁ ଥାନା ପକ୍ଷରୁ ତୁରନ୍ତ ପଦକ୍ଷେପ ନିଆଯିବ ବୋଲି ଶ୍ରୀ ଦାଶ ପ୍ରତିଶ୍ରୁତି ଦେଇଥିଲେ ।