ବିଶ୍ୱପରିବେଶ ଦିବସ ଅବସରରେ ଇଞ୍ଚୋଳରେ ବୃକ୍ଷରୋପଣ

ହାଟଡିହି- ୫ / ୬ (ଓଡିଆପୁଅ / ବିକାଶ ବିଶ୍ୱାଳ) ଆଜି ବିଶ୍ୱ ପରିବେଶ ଦିବସ ଅବସରରେ ହାଟଡିହି ବ୍ଲକ ଇଞ୍ଚୋଳ ଠାରେ ବୃକ୍ଷରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାିଛି । ପଞ୍ଚାୟତର ବିଜେଡି ସଭାପତି ଅଭିମନ୍ୟୁ ସେଠୀଙ୍କ ଆହ୍ୱାନକ୍ରମେ ନାଏବ ସରପଞ୍ଚ ବିଜୟ ମହାପାତ୍ର, ଯୁବ ନେତା ମନୋଜ ରାଉତ ପ୍ରମୁଖ ଉପସ୍ଥିତ ରହି ବୃକ୍ଷରୋପଣ ଆବଶ୍ୟକତା ସମ୍ପର୍କରେ ମତବ୍ୟକ୍ତ କରିଥିଲେ । ଖାଲି ଆଜି ଦିନରେ ନୁହଁ ସବୁଦିନ କେଉଁଠି ନା କେଉଁଠି ଗୋଟିଏ ଦୁଇଟି ବୃକ୍ଷ ରୋପଣ କରି ତାହାର ଯତ୍ନନେଲେ ପରିବେଶ ସୁସ୍ଥ ରହିବା ସହିତ ମଣିଷ ସମାଜ ଶୁଦ୍ଧ ଅମ୍ଳଜାନ ପାଇପାରିବ ବୋଲି ମତବ୍ୟକ୍ତ କରିଥିଲେ । ଏଥିରେ ବିଜୁ ଯୁବ ଜନତାଦଳର ପିଏଲ. ଶୁଭମ ମହାପାତ୍ର, ଦେବବ୍ରତ ମଲ୍ଲିକ, ରାମଚନ୍ଦ୍ର ନାୟକ, ବିକାଶ ଚନ୍ଦ୍ର ନାୟକ ପ୍ରମୁଖ ଉପସ୍ଥିତ ରହି ବୃକ୍ଷରୋପଣ କରିଥିଲେ ।