ବିଭିନ୍ନ ସ୍ଥାନରେ ନେତାଜୀ ଜୟନ୍ତୀ ପାଳିତ

ଭଦ୍ରକ, ୨୩ା୧ (ଓଡ଼ିଆ ପୁଅ / ସ୍ନିଗ୍ଧା ରାୟ) – ସ୍ୱାଧୀନତା ସଂଗ୍ରାମୀ ତଥା ଦେଶଭକ୍ତ ବୀର ସୁରେନ୍ଦ୍ର ସାଏ ଓ ନେତାଜୀ ସୁଭାଷ ଚନ୍ଦ୍ର ବୋଷଙ୍କ ଜୟନ୍ତୀ ଅବସରରେ ଆଜି ଧାମନଗର ବ୍ଲକର ବିଭିନ୍ନ ସ୍ଥାନରେ ପାଳିତ ହୋଇଯାଇଛି । ଡକ୍ତର ଅବଦୁଲ କାଲାମଙ୍କ ସଭାଗୃହରେ ବରିଷ୍ଠ ନାଗରିକ ପରିଷଦ ପକ୍ଷରୁ ଅନୁଷ୍ଠିତ ଜୟନ୍ତୀ ଉତ୍ସବରେ ଅତିଥି ଭାବେ ବିଜ୍ଞାପିତ ପରିଷଦ କାର୍ଯ୍ୟ ନିର୍ବାହୀ ଅଧିକାରୀ ଜତିନ୍ଦ୍ର କୁମାର ମିଶ୍ର, ଜିଲା ପରିଷଦ ସଭ୍ୟ ସୁରଥ ସେଠୀ, ପରିଷଦର ସାଧାରଣ ସଂପାଦକ ଶଚୀକାନ୍ତ ପଣ୍ଡା, କୋଷାଧ୍ୟ ନିରାକାର ଧଳ, ଯୁଧିଷ୍ଠିର ପଣ୍ଡା, ଜ୍ଞାନରଂଜନ ରାଉତ, ଭାସ୍କର ଚନ୍ଦ୍ର ସାମଲ, ଅଭିମନ୍ୟୁ ମଲ୍ଲିକ, ଲକ୍ଷ୍ମୀଧର ପାଗଳ, ବିଦ୍ୟାଧର ରାଉତ, କୃଷ୍ଣଚନ୍ଦ୍ର ଜେନା ପ୍ରମୁଖ ଯୋଗଦେଇ ଦୁଇ ବୀର ସଂଗ୍ରାମୀଙ୍କ ଜୀବନୀ ସଂପର୍କରେ ଆଲୋକପାତ୍ର କରିଥିଲେ । ସେହିପରି ପାଳସାହି ପଂଚାୟତ ବେତାଳିଗାଁ ଠାରେ ମଧ୍ୟ ପାଳିତ ହୋଇଯାଇଛି । ନିକୁଞ୍ଜ ବିହାରୀ ଜେନା, ରବୀନ୍ଦ୍ର ବେହୁରିଆ, ବିଦ୍ୟାଧର ବାରିକ, ମୃତ୍ୟୁଞ୍ଜୟ ସାହୁ, ଅକ୍ଷୟ ପଣ୍ଡା, ପଂଚାନନ ମିଶ୍ର, ମୁକ୍ତିକାନ୍ତ ବଳ, ରମେଶ ବେହେରା, ଅନିଲ କୁମାର ଦାସ ପ୍ରମୁଖ ଯୋଗଦେଇ ବକ୍ତବ୍ୟ ପ୍ରଦାନ କରିଥିଲେ । ସେହିପରି ପିତେଇପୁର ସରକାରୀ ଉପ୍ରା ବିଦ୍ୟାଳୟରେ ପ୍ରଧାନଶିକ୍ଷକ ମନୋଜ କୁମାର ଜେନାଙ୍କ ସଭାପତିତ୍ୱରେ ଅତିଥି ଭାବେ ପୂର୍ବତନ ସିଆରସିସି ନିରାକାର ଧଳ, ଶିକ୍ଷକ ଓ ଶିକ୍ଷୟିତ୍ରୀ ରାଜେନ୍ଦ୍ର ପୃଷ୍ଟି, ପ୍ରଶାନ୍ତ ତରାଇ, ଜାନକୀଲତା ଦାସ, ବାସନ୍ତୀଲତା ପରିଡା, ସ୍ନେହଲତା ସୂତାର, ମଲ୍ଲୀଲତା ଜେନା, ସଂଘମିତ୍ରା ଦାସ, ରେଣୁବାଳା ନାୟକ ପ୍ରମୁଖ ଯୋଗଦେଇ ବକ୍ତବ୍ୟ ପ୍ରଦାନ କରିଥିଲେ । ସେହିପରି ମହେନ୍ଦ୍ର ନୋଡାଲ ସ୍କୁଲରେ ପ୍ରଧାନଶିକ୍ଷକ ହେମେନ୍ଦ୍ର ମହାନ୍ତି, ସହକାରୀ ଶିକ୍ଷୟିତ୍ରୀ ସୁମତି ନାୟକ ସମେତ ଅନ୍ୟ ଶିକ୍ଷକ ଓ ଶିକ୍ଷୟିତ୍ରୀ ମାନେ ଉପସ୍ଥିତ ରହି ନେତାଜୀ ଜୟନ୍ତୀ ପାଳନ କରିଥିଲେ ।