ବିଜେପି ବିଧାୟକ ବିରୁଦ୍ଧରେ ଖବର ଲେଖିବା ପଡ଼ିଲା ମହଁଗା: ସାମ୍ବାଦିକମାନଙ୍କୁ ଅର୍ଦ୍ଧ ନଗ୍ନ କଲା ପୋଲିସ୍, ଫଟୋ ଭାଇରାଲ

ନୂଆ ଦିଲ୍ଲୀ ୮-୪ (ଓଡ଼ିଆ ପୁଅ) ମଧ୍ୟପ୍ରଦେଶର ସିଦ୍ଧି ଜିଲ୍ଲାର ପୋଲିସ କିଛି ସାମ୍ବାଦିକମାନଙ୍କୁ ଗିରଫ କରିଛି। ପୋଲିସ ଷ୍ଟେସନରେ ସେମାନଙ୍କୁ ଅର୍ଦ୍ଧନଗ୍ନ ଅସସ୍ଥାରେ ଫଟୋ ଉଠାଇ ସୋସିଆଲ ମିଡିଆରେ ଭାଇରାଲ କରାଯାଇଥିବା ଅଭିଯୋଗ ହେଉଛି। ଏକ ରିପୋର୍ଟ ଅନୁଯାୟୀ, ଲକ୍ଅପ୍ ରେ ମଧ୍ୟ ଏହି ସାମ୍ବାଦିକମାନଙ୍କୁ କେବଳ ଅଣ୍ଡରଗାର୍ମେଣ୍ଟ୍ସରେ ବସିବା ପାଇଁ କୁହାଯାଇଥିଲା। ଏହି ସାମ୍ବାଦିକମାନଙ୍କ ଭୁଲ ଏତିକି ଥିଲା ଯେ ସେମାନେ ବିଜେପି ବିଧାୟକ କେଦାରନାଥ ଶୁକ୍ଲାଙ୍କ ବିରୋଧରେ ଖବର ଲେଖିଥିଲେ। ଏହି ପ୍ରସଙ୍ଗରେ ପୋଲିସର କାର୍ଯ୍ୟାନୁଷ୍ଠାନ ଉପରେ କଂଗ୍ରେସ ନେତା ରାହୁଲ ଗାନ୍ଧୀ ପ୍ରଶ୍ନ ଉଠାଇଛନ୍ତି। ରାହୁଲ ଗାନ୍ଧୀ। ଏ ନେଇ ରାହୁଲ ଗାନ୍ଧୀ ଏକ ଟ୍ୱିଟ କରି କହିଛନ୍ତିଯେ,
“ଗଣତନ୍ତ୍ରର ଚତୁର୍ଥ ସ୍ତମ୍ବର ଚିର ହରଣ
ସରକାରଙ୍କ କୋଳରେ ବସି ତାଙ୍କର ପ୍ରଶଂସା ଗାନ କର, ନହେଲେ ଜେଲକୁ ଯାଅ।
‘ନୂଆ ଭାରତର’ ସରକାର ସତ୍ୟକୁ ଭୟ କରୁଛନ୍ତି।”

ରିପୋର୍ଟ ଅନୁଯାୟୀ, ସିଦ୍ଧି ପୋଲିସରୁ ମିଳିଥିବା ସୂଚନା ଅନୁଯାୟୀ, ବଘେଲି ଭାଷାରେ ୟୁଟ୍ୟୁବରେ ଚ୍ୟାନେଲ ଚଳାଉଥିବା କନିଷ୍କ୍ ତିୱାରୀ ଏବଂ ଅନ୍ୟ କେତେକ ସାମ୍ବାଦିକଙ୍କ ବିରୋଧରେ ଏଫ୍ଆଇଆର୍ ପଞ୍ଜିକୃତ ହୋଇଛି। ସେ ଫେସବୁକରେ ଏକ ନକଲି ଆଡ଼ି କରି କେଦାରନାଥ ଶୁକ୍ଲା ଏବଂ ତାଙ୍କ ପୁଅକୁ ବଦନାମ କରି ଫେସବୁକରେ ପୋଷ୍ଟ କରିଥିବା ଅଭିଯୋଗ ହୋଇଛି। ବିଧାୟକଙ୍କ ପୁଅଙ୍କ ଅଭିଯୋଗରେ ଏହି ଏଫ୍ଆଇଆର୍ ମଧ୍ୟ ପଞ୍ଜୀକୃତ ହୋଇଛି।

ସିଦ୍ଧି ପୋଲିସର କହିବାନୁସାରେ, ଏକ ନକଲି ଆଇଡିରୁ ଫେସବୁକରେ ଅଶ୍ଳୀଳ ମନ୍ତବ୍ୟ ଦିଆଯାଇଥିଲା। ଏହି ମାମଲାରେ ପୋଲିସ ନୀରଜ କୁଣ୍ଡରଙ୍କୁ ଗିରଫ କରିଥିଲା। ଏହା ଉପରେ କନିଷ୍କଙ୍କ ସମେତ ଥିଏଟର ଏବଂ ସାମାଜିକ କର୍ମୀମାନେ କୋଟୱାଲି ପୋଲିସ ଷ୍ଟେସନରେ ବିକ୍ଷୋଭ ପ୍ରଦର୍ଶନ କରିଥିଲେ। ପୋଲିସ ସମସ୍ତଙ୍କୁ ଗିରଫ କରିଥିଲା। କନିଷ୍କ୍ ତିୱାରୀ ଜଣେ ୟୁଟ୍ୟୁବର୍ ଏବଂ ଅତୀତରେ ତାଙ୍କ ବିରୁଦ୍ଧରେ କିଛି ଅଭିଯୋଗ ମଧ୍ୟ ହୋଇଥିଲା। କୋତୱାଲୀ ପୋଲିସ ଷ୍ଟେସନରେ ବିନା ପୋଷାକରେ ଅଭିଯୁକ୍ତଙ୍କ ଫଟୋ ଉଠାଇ କେହି କେହି ସେମାନଙ୍କୁ ସୋସିଆଲ ମିଡିଆରେ ଭାଇରାଲ କରିଥିଲେ। କୋଟୱାଲି ପୋଲିସ ଷ୍ଟେସନରେ କ୍ରାଇମ ନମ୍ବର ୨୬୨/୨୨ ଧାରା ୪୧୯, ୪୨୦, ଏବଂ ୬୬C, ୬୬D ଆଇଟି ଅଧିନିୟମ ଅନୁଯାୟୀ ଅନୁସନ୍ଧାନ ଚାଲିଛି। ଫଟୋ ଭାଇରାଲ ହେବା ମାମଲାରେ ଡିଏସପିଙ୍କୁ ତଦନ୍ତ ଦାୟିତ୍ତ୍ୱ ଦିଆଯାଇଛି।

ଏହି ପ୍ରସଙ୍ଗରେ ସୋସିଆଲ ମିଡିଆରେ କଂଗ୍ରେସମାନେ ନେତା ସରକାରଙ୍କୁ ଘେରି ରହିଛନ୍ତି। ଫଟୋ ଟ୍ୱିଟ୍ କରିବାବେଳେ ପୂର୍ବତନ ମନ୍ତ୍ରୀ ଜୟବର୍ଦ୍ଧନ ସିଂ କହିଛନ୍ତି ଯେ ଏହା ସିଦ୍ଧି ଜିଲ୍ଲାର ଏକ ପୋଲିସ୍ ଷ୍ଟେସନର ଫଟୋ। ଏହି ଅର୍ଦ୍ଧ ଉଲଗ୍ନ ଯୁବକ ଚୋର ନୁହଁନ୍ତି, ଗଣତନ୍ତ୍ରର ଚତୁର୍ଥ ସ୍ତମ୍ଭ କୁହାଯାଉଥିବା ଗଣମାଧ୍ୟମର ସାଥୀ। ତାଙ୍କୁ ବିଜେପି ବିଧାୟକଙ୍କ ବିରୋଧରେ ଖବର ପ୍ରଚାର କରିଥିବାରୁ ତାଙ୍କୁ ଅର୍ଦ୍ଧ ଉଲଗ୍ନ କରି ଜେଲରେ ରଖାଯାଇଥିଲା। ଏହା ଅତ୍ୟନ୍ତ ନିନ୍ଦନୀୟ କାର୍ଯ୍ୟ … ଶିବରାଜ ସିଂ ସରକାର ବର୍ତ୍ତମାନ ବ୍ରିଟିଶମାନଙ୍କ ପରି ମନୋଭାବ ପୋଷଣ କରୁଛନ୍ତି।

ଅପର ପକ୍ଷରେ ମୁଖ୍ୟମନ୍ତ୍ରୀ ଶିବରାଜ ସିଂ ଚୌହାନଙ୍କ ନିର୍ଦ୍ଦେଶରେ ଷ୍ଟେସନ ଦାୟିତ୍ତ୍ୱରେ ଥିବା ଅଧିକାରୀ ଏବଂ SHO ଙ୍କୁ ଲାଇନ ହାଜିର ହେବାକୁ ନିର୍ଦ୍ଦେଶ ଦିଆଯାଇଛି।