ଭୁବନେଶ୍ବର ୧୯-୯ (ଓଡ଼ିଆ ପୁଅ) ବିଜେପିର ବରିଷ୍ଠ ନେତା ବିଷ୍ଣୁ ସେଠୀଙ୍କ ଦେହାନ୍ତ ଖବର ଆସିଛି। ସେ କିଡ୍ନୀ ରୋଗରେ ପୀଡ଼ିତ ହୋଇ ଚିକିତ୍ସିତ ହେଉଥିଲେ। ମାସେ ଚିକିତ୍ସା ପରେ ବିଧାୟକ ବିଷ୍ଣୁ ସେଠୀଙ୍କର ଦେହାନ୍ତ ହୋଇଥିବା ଜଣା ପଡ଼ିଛି। ରାଜନୀତି ମହଲରେ ଶୋକର ଛାୟା ଖେଳିଯାଇଛି।
ଓଡ଼ିଶା ବିଧାନସଭାର ବରିଷ୍ଠ ସଭ୍ୟ ତଥା ଧାମନଗରର ବିଧାୟକ ହେଉଛନ୍ତି ବିଷ୍ଣୁ ସେଠୀ। ତାଙ୍କ ପରଲୋକ ଖବର ପାଇ ବିଭିନ୍ନ ମହଲରୁ ଶୋକ ପ୍ରକାଶ ପାଉଛି।
ଏମ୍ସରେ ଚିକିତ୍ସାଧୀନ ଅବସ୍ଥାରେ ବିଷ୍ଣୁ ସେଠୀଙ୍କ ଦେହାନ୍ତ ହୋଇଛି। ମୃତ୍ୟୁ ବେଳକୁ ତାଙ୍କୁ ୬୧ ବର୍ଷ ବୟସ ହୋଇଥିଲା।