ବାହାରିପୁର ଗିରିଗାଁ ରାସ୍ତା ବାଇକରୁ ଖସିପଡି ଯୁବକ ମୃତ

ହାଟଡ଼ିହି-୨୧/୩, (ଓଡିଆପୁଅ / ବିକାଶ ବିଶ୍ୱାଳ)ହାଟଡିହି ବ୍ଲକ ବାହାରିପୁର-ଗିରିଗାଁ ରାସ୍ତା ଶୋଚନୀୟ ହୋଇପଡିଥିବାରୁ ଆଜି ଜଣେ ଯୁବକ ବାଇକରୁ ଖସିପଡି ମୃତ୍ୟୁବରଣ କରିଥିବା ଜଣାଯାଇଛି । ଖବରରୁ ଜଣାଯାଇଛି ଯେ ବାହାରିପୁରର ଗେଡୁ ଜେନାଙ୍କ ପୁଅ ଶଙ୍କର୍ଷଣ ଜେନା(୩୩) ସାଙ୍ଗରେ ଜଣେ ପିଲାକୁ ବସାଇ ଗ୍ୟାସ ଭରିବାକୁ ଖାଲି ଟାଙ୍କିନେଇ ଛେନାପଦି ଆଡକୁ ଯାଉଥିଲେ । ରାସ୍ତାର ଶୋଚନୀୟ ଅବସ୍ଥା ଯୋଗୁଁ ସେ ଭାରସାମ୍ୟ ହରାଇ ସ୍କୁଲ ସମ୍ମୁଖ ରାସ୍ତାରେ ତଳକୁ ଖସିପଡିଥିଲେ । ଫଳରେ ତାଙ୍କର ମୁଣ୍ଡରେ ଶକ୍ତ ଆଘାତ ଲାଗିଥିଲା । ତୁରନ୍ତ ତାଙ୍କୁ ଆନନ୍ଦପୁର ଉପଖଣ୍ଡ ଚିକିତ୍ସାଳୟକୁ ନେଇଥିବାବେଳେ ସେଠାରେ ଡାକ୍ତର ତାକୁ ମୃତ ଘୋଷଣା କରିଥିଲେ ।