ବାଲିଗୁଡା, ୬/୪ (ଓଡ଼ିଆ ପୁଅ/ସଞ୍ଜୟ କୁମାର ପାଣିଗ୍ରାହୀ ) ଲକ୍ ଡାଉନ୍ ବେଳେ କନ୍ଧମାଳ ଜିଲ୍ଲା ବାଲିଗୁଡ଼ା ପୋଲିସର ମହାସିଙ୍ଗି ପଂଚାୟତରେ ଏକ ଜୁଆ ଆଡ୍ଡାରେ ଚଢ଼ାଉ କରି ଛ’ଜଣ ଜୁଆଡ଼ିକୁ ଗିରଫ କରି କୋର୍ଟ ଚାଲାଣ କରିଛି ପୋଲିସ। ସେମାନ ଙ୍କ ନିକଟରୁ ନଗଦ ୪୧୫୦ଟଙ୍କା ସହ ଚାରୋଟି ମୋଟର ସାଇକେଲ ଓ ଗୋଟିଏ ସାଇକେଲ ଓ ଚାରୋଟି ମୋବାଇଲ୍ ଫୋନ୍ ଜବତ ହୋଇଛି।ମହାମାରୀ କରୋନାକୁ ନେଇ ସାରାଦେଶରେ ଲକ୍ ଡାଉନ୍ ଜାରୀ ହୋଇଥିବାବେଳେ ବିନା କାରଣରେ ଘରୁ ବାହାରକୁ ନବାହାରିବାସହ ସାମାଜିକ ଦୂରତା ରଖିବାପାଇଁ ଜନସାଧାରଣଙ୍କୁ ନିବେଦନ କରାଯାଉଛି। ଏଭଳି ସ୍ଥିତିରେ ବାଲିଗୁଡ଼ା ଥାନା ମହାସିଙ୍ଗି ଅଞ୍ଚଳର କିଛି ଅମାନିଆ ଏକାଠି ହୋଇ ଜୁଆ ଖେଳୁଥିବା ଖବର ପାଇ ଚଢ଼ାଉ କରି ସେମାନଙ୍କ ବିରୁଦ୍ଧରେ ଲକ୍ ଡାଉନ୍ ନିୟମ ଭଙ୍ଗ ଦଫା ଓ ଜୁଆଖେଳ ଦଫାରେ ଗିରଫ କରାଯାଇଛି ବୋଲି ବାଲିଗୁଡ଼ା ଆଇଆଇସି ପ୍ରଶାନ୍ତ କୁମାର ବେହେରା କହିଛନ୍ତି।
